Filippi 1:6 - Bible Fulfulde Bénin New Testament

⁶ Mii tabbitini, Alla puɗɗuɗo golle muuɗum booɗuɗe der mooɗon hebbinan ɗe, der nyalaane Yeesu *Almasiihu.

Filippi 1:6 ပူးပေါင်းရင်းမြစ်များ

Yuhaana 6:29

Yeesu toontii ɓe, wi'i: «Golle ɗe Alla yiɗi woni goonɗinon mo o lili.»

Golle Lilaaɓe 11:18

No ɓe nani ka, ɓe jeeɗii, eɓe teddina Alla, eɓe bi'a: «Alla hokkii lenyi janani bo laawol tuubugo gam ɗi keɓa yonki.»

Golle Lilaaɓe 16:14

Debbo kulɗo Alla, bi'eteeɗo Liidiya, cippoowo gude boɗeeje, mo siire Tiyatira, e hettinii waaju amen. Joomiraawo maɓɓiti ɓerne makko gam o goonɗina ko Pol waajotoo.

Korintu Aranol 1:8

Kanko semmiɗinta on faa heennyitirde, gam laatoɗon ɓe walaa gacce der nyalaane wittoygo makko.

Korintu ɗiɗaɓol 1:15

Mi hoolake on puɗɗii faamugo ɗum. Gam majjum jiɗunoomi warugo to mooɗon aran, gam keɓon moƴƴere de ɗiɗi.

Korintu ɗiɗaɓol 2:3

Mi winnaniino on hande no binnirmi ɗo, gam to mi yottake to mooɗon, to mi heɓu biisere ɓerne diga e onon haanunooɓe seyina ɓerne am. Mii hoolii, seyo am e laatii seyo mooɗon on fu.

Korintu ɗiɗaɓol 7:16

Mii seyii gam mi waawan hoolaago on dow huune fu.

Korintu ɗiɗaɓol 9:4

To ɓe Maseduwaan waridii e amen, tawi on ciriyaaki, den hoolaare ne men goodunoo dow mooɗon laatanto men senteene, amma ne mooɗon ɓurata.

Galaatiya 5:10

Min kan, mii hoolii on gam Joomiraawo, mii anni miilo mooɗon wittay nokkun feere. Amma laawoowo on on, baa to moy nun, o doƴƴete kiita.

Efesu 4:12

O waɗii ɗum gam o siriyoo himɓe Alla gam golle, ɓe mawninira ɓannu *Almasiihu.

Filippi 1:10

gam baawon annitingo ko ɓuri nafugo, laatoɗon laaɓuɓe, ɓe galaa gacce der nyalaane *Almasiihu wittoyta.

Filippi 1:29

On kokkaama moƴƴere goonɗingo Almasiihu, kanjum tan bane, on kokkaama bo moƴƴere tooranaago mo,

Filippi 2:12

Gam majjum, banniraaɓe am yiɗaaɓe, hande no ɗowtoriɗon wakkati fu, hande nun, gaɗee kolliton kisidam mooɗon e kulol e diwnugo, hinaa to mii wondi e mooɗon tan, amma baa no mii boɗɗodii on bo.

Filippi 2:13

Gam Alla e hoore mum nun gollata der mooɗon, faa jiɗon ko weli mo, gaɗon ɗum bo.

Filippi 2:16

Oon baajoo ɓe haala ka yonki gam mi juro der nyalaane wittoygo *Almasiihu, mi anna doggudu am e comuri am waɗay baanji.

Koloosi 2:12

Diga e *batisi, on uwidaama e Almasiihu, on pintidinaama bo e makko, gam on goonɗinii baawɗe Alla pintinɗe mo e maayde.

Tesalonika Aranol 1:3

Emen ciwtora on yeeso Alla *Baaba meeɗen e golle mooɗon ɗe gaɗuɗon gam goonɗinki mooɗon. Emen ciwtora bo no tinnoriɗon gam yidde, e no munyirɗon der tammuwe mooɗon der Joomiraawo meeɗen Yeesu *Almasiihu.

Tesalonika Ɗiɗaɓol 1:11

Gam majjum emen du'anoo on wakkati fu. Emen eela Alla meeɗen laatina on fotuɓe noddoore ne o noddi on. Baawɗe makko hokka on semme hebbingo golle booɗuɗe ɗe jiɗuɗon waɗugo fu, gam on goonɗinii mo.

Tesalonika Ɗiɗaɓol 3:4

Gam daliila Joomiraawo, emen koolii on, oon tokki umurooje ɗe men umuri on, on tokkoto ɗe bo yaago.

Filemon 1:21

Mii winnanee gam mii hoolii a nananan am, gam mii anni a waɗan ɓuri ko eelu maa mi.

Iburaninkeeɓe 10:35

Gam majjum, to on boppee hoolaare mooɗon, gam ne waddanan on riiba mawka.

Iburaninkeeɓe 12:2

En tiggee gite meeɗen dow Yeesu, laatiiɗo puɗɗuɗo goonɗinki meeɗen, kanko nun bo hebbinta ki. O hakkilanay senteene maayde dow *leggal palaaŋal, gam seyo ŋo o resanaa. Jooni oo jooɗii nyaamo kittaal *Laamaare Alla.

Piyer Aranol 5:10

Amma to on jarii bone der wakkati seɗɗa, Alla mo moƴƴere nodduɗo on gam naaton der tedduŋal mum tabitiiŋal e *Almasiihu, kanko o tiiɗinan on, o semmiɗina on, o hebbina on, o darna on.

Piyer Ɗiɗaɓol 3:10

Nyalaane Joomiraawo waran hande gujjo. Nyalaane nen, kammu majjitan e rimmo manŋo. Ko woni dow kammu fu halkete e yiite. Leydi e golle gaɗaaɗe dow mayri fu, hiitete.