Filippi 1:23 - Bible Fulfulde Bénin New Testament

²³ Mii waɗa ɓerɗe ɗiɗi: ko jiɗumi woni, mi yaha mi wonda e Almasiihu, kanjum ɓuranimmi wooɗugo.

Filippi 1:23 ပူးပေါင်းရင်းမြစ်များ

Luka 12:50

Batisi gom na'on ki gaɗanteemi, eɗum teddanimmi to ɗum waɗaaki.

Luka 23:43

Yeesu toontii mo wi'i: «E gooŋa batan maa mi: Hanne, a wondan e am der aljanna.»

Luka 8:38

Gorko mo ginnaaji wurtii e mum on sawrini Yeesu acca o tokka ɗum. Amma Yeesu wi'i mo:

Yuhaana 12:26

To goɗɗo e yiɗi jagganaago am, sey tokkammi. To gonmi fu, ɗon jagganiiɗo am bo wonata. *Baaba teddinan neɗɗo jaggantooɗo am.»

Yuhaana 13:1

Nyaanne finata juulɗe *Paska, Yeesu e anni wakkati o accata duuniyaaru o hoota to *Baaba yottike. O yiɗii himɓe makko e duuniyaaru, oo yiɗi ɓe faa keerol yidde.

Yuhaana 14:3

To mi moƴƴinanii on to gonoyton, mi wittaan mi hocca on to am gam gonon to gonmi.

Yuhaana 17:24

*Baaba, mii yiɗi ɓe kalfinɗaa am ɓee, tawdee e am nokkuure to tawaami, gam ɓe ji'a tedduŋal ŋal kokkuɗaa am, gam a yiɗii am diga duuniyaaru diidaaka.

Golle Lilaaɓe 7:59

No Etiyen faɗɗetee kaaƴe, oo du'oo oo wi'a: «Joomiraawo am Yeesu, jaɓu yonki am!»

Korintu ɗiɗaɓol 5:8

Een goodii tinnaare, amma ko jiɗuɗen ɓuri woni, eggugo ɓannu ŋol ɗo, gonden e Joomiraawo.

Korintu ɗiɗaɓol 6:12

Men cuuɗanay on ɓerɗe amen, amma onon on maɓɓanii men ɓerɗe mooɗon.

Filippi 1:24

Amma gonki am e duuniyaaru ɓuran nafugo on.

Tesalonika Aranol 2:1

Banniraaɓe, onon e ko'e mon oon anni garki amen to mooɗon laataaki baanji.

Tesalonika Aranol 2:13

E woodi ko waɗi emen jetta Alla kade wakkati fu. No nanuɗon haala ka men baajii on, on jaɓay ka hande haala neɗɗo, amma hande haala Alla. Nunnun ka laatii e gooŋa ko e ka golla der mooɗon, onon goonɗinɓe.

Tesalonika Aranol 4:17

Ɓaawo majjum, enen wuuruɓe horiiɓe e yonki, en ettidinte jaarideɗen e maɓɓe der duule, potten e Joomiraawo dow kammu, gonden e makko faa abada.

Timote Ɗiɗaɓol 4:6

Amma min, mi ɓadike laataago sadaka, hande kiriseteeɗi, wakkati yawtugo am ɓadake.

Kollitinki 14:13

Den, nanumi daane diga dow kammu, e wi'a: «Winnu kaa ɗo: “Diga jooni, barke woodani maayuɓe go e hawti e Joomiraawo.” *Ruuhu e wi'a: “Gooŋa nun! Ɓe ciwtoto e golle maɓɓe, gam golle maɓɓe tokkan ɓe.”»