Filippi 1:21 - Bible Fulfulde Bénin New Testament

²¹ Min kan, Almasiihu woni gurnam am, maayde laatani am nun riiba,

Filippi 1:21 ပူးပေါင်းရင်းမြစ်များ

Korintu Aranol 1:30

Kanko hawti en e Yeesu *Almasiihu, go Yeesu laatanii en annal Alla, der makko keɓuɗen gooŋaaku e laaɓineego e rinɗineego diga hakke.

Korintu Aranol 3:22

Pol e Apollos e Piyer, ko woni der duuniyaaru, yonki e maayde, hanne e jaaŋo fu, onon woodi.

Korintu ɗiɗaɓol 5:1

Een anni ɓalli men leydiiji, nanduɗi e cuuɗi, pusete. To ɗi pusaama, Alla e siriyanii en cuuɗi goɗɗi dow kammu, ɗi junŋo neɗɗo mahay, tabitintooɗi faa abada.

Korintu ɗiɗaɓol 5:6

Gam majjum gooduɗen tinnaare wakkati fu, een anni to en na'on der ɓannu ŋol ɗo, een boɗɗidi e Joomiraawo.

Korintu ɗiɗaɓol 5:8

Een goodii tinnaare, amma ko jiɗuɗen ɓuri woni, eggugo ɓannu ŋol ɗo, gonden e Joomiraawo.

Galaatiya 2:20

Min bane wuurata, Almasiihu nun wuuri der am. Guurnam ɓannu buuranmi jooni, e goonɗinki *Ɓiɗɗo Alla nun buuranmi, kanko jiɗɗo am faa hokkitiri hoore mum gam am.

Galaatiya 6:14

Min kan, mi jurortaako goɗɗum to hinaa leggal Joomiraawo meeɗen Yeesu Almasiihu palaaŋal. Diga e maggal duuniyaaru tiggaa gam am, min bo tiggaami gam mayru.

Filippi 1:20

Mii heɗii sanne, mii woodi bo tammuwe, mi heɓataa senteene goɗɗum. Amma hande no baadey, nun jooni bo, mii anni mi teddinan Almasiihu e tinnaare, der gurnam am, baa to mii wuuri, baa to mi maayi.

Filippi 1:22

amma, to wonaago am e duuniyaaru waddanan am waɗugo golle nafooje, den mi annaa du ume nun cuɓanmi.

Filippi 1:23

Mii waɗa ɓerɗe ɗiɗi: ko jiɗumi woni, mi yaha mi wonda e Almasiihu, kanjum ɓuranimmi wooɗugo.

Filippi 2:21

horiiɓe fu haaje mum tan miijantoo, hinaa ɗum Yeesu *Almasiihu.

Koloosi 3:4

To Almasiihu laatiiɗo yonki mooɗon suppitoyke, on cuppitinto e makko onon bo e tedduŋal.

Kollitinki 14:13

Den, nanumi daane diga dow kammu, e wi'a: «Winnu kaa ɗo: “Diga jooni, barke woodani maayuɓe go e hawti e Joomiraawo.” *Ruuhu e wi'a: “Gooŋa nun! Ɓe ciwtoto e golle maɓɓe, gam golle maɓɓe tokkan ɓe.”»