Filippi 1:20 - Bible Fulfulde Bénin New Testament

²⁰ Mii heɗii sanne, mii woodi bo tammuwe, mi heɓataa senteene goɗɗum. Amma hande no baadey, nun jooni bo, mii anni mi teddinan Almasiihu e tinnaare, der gurnam am, baa to mii wuuri, baa to mi maayi.

Filippi 1:20 ပူးပေါင်းရင်းမြစ်များ

Yuhaana 21:19

Batuuji ɗin hollan nun no Piyer maayirta, e no o teddinirta Alla. Ɓaawo majjum, o wi'i mo: «Tokkam».

Golle Lilaaɓe 20:24

Amma mi daaray yonki am hande kii laatanii am tedduki, mi heɓa ni yottinoygo e welwelo golle ɗe Yeesu Joomiraawo halfinimmi, kanje woni waajaago *linjiila ka moƴƴere Alla.

Golle Lilaaɓe 21:13

Pol toontii, wi'i: «Koni bullanton am, oon tampinammi? Min, mi siriyake, hinaa haɓɓeego tan, amma mi maaya *Urusaliima gam inne Yeesu Joomiraawo.»

Golle Lilaaɓe 4:31

No ɓe du'odii, nokkuure to ɓe kawritinnoo, dimmii. Ɓe fu ɓe kebbinaa *Ruuhu Ceniiɗo, go ɓee baajoroo haala Alla e cuusal.

Roma 12:1

Banniraaɓe, mii eela on sabbu enɗam Alla. Kokkee mo ko'e mooɗon hande sadaka yonkinteha, ceniika, pottananka Alla. Kanjum woni sujida gooŋaha, kaanuka caafiron Alla.

Roma 5:5

Hoolaago ko warata yeeso majjintaa en, gam Alla wattii yidde mum der ɓerɗe meeɗen, diga e *Ruuhu Ceniiɗo mo o hokki en.

Roma 6:13

To on kokkee hakke jokkule ɓalli mooɗon ɗe gaɗira ko foonnitaaki. Amma kokkee Alla ko'e mooɗon. On maayiino, jooni oon buuri. To non kokkee mo jokkule mooɗon, ɗe laatoo gaɗirɗum ko foonnitii.

Roma 6:19

Mii bata ɗo hande no himɓe woowi batirgo, gam tampere mooɗon. On kokkiino ɓalli mooɗon, gaɗuɗon ko tuuni e ko wuurii, oon gaɗa ko halli. Hande non jooni bo, kokkee ɓalli mooɗon laatoɗon gollantooɓe ko foonnitii gam laatoɗon seniiɓe.

Roma 8:19

Ko tagaa fu e haaɓi yi'a wakkatiire ne o hollitinta tedduŋal ɓiɓɓe makko.

Roma 9:33

Dewtere wi'ii: «Mi yowii dow Siyoona hayre fergeteene, tepaare doƴƴoore himɓe. Amma goonɗinɗo ne fu sentintaake abada!»

Korintu Aranol 15:31

Banniraaɓe, nyalaane fu der hunnuko maayde nun gonumi. Amma e nun fu mii juroro on gam daliila kawtal mooɗon e Joomiraawo meeɗen Yeesu *Almasiihu.

Korintu Aranol 6:20

gam Alla soodirii on e huune tedduɗum. Gam majjum, teddinee mo e ɓalli mooɗon.

Korintu Aranol 7:34

hakkillo joomum seennake. Hande non bo, mo ɓaŋaaka, hakkillo mum to kujje Joomiraawo wonoto, gam ɓannu e yonki makko fu laatoo ko senaa. Amma ɓaŋuɗo, hakkillo mum to kujje duuniyaaru wonoto, ko welata goriiko o dartata.

Korintu ɗiɗaɓol 10:8

Ɗum sentintaako am baa to mi jurorake puy baawɗe ɗe Joomiraawo hokki men. O hokkii men ɗe, gam mawningo goonɗinki mon, hinaa gam halkugo ki.

Korintu ɗiɗaɓol 3:12

Gam men goodi hoolaare acci emen bata e cuusal.

Korintu ɗiɗaɓol 4:10

Wakkati fu, maayde Yeesu e tawaa der ɓalli amen, gam yonki makko bo yi'ee der majji.

Korintu ɗiɗaɓol 5:15

O maayanii himɓe fu, gam wuuruɓe acca wuurango ko'e mum, amma ɓe buurana maayanɗo ɓe, go finti gam maɓɓe.

Korintu ɗiɗaɓol 7:14

Mi jurorake on yeeso makko, amma on centinay am. Wakkati fu, gooŋa men batata on, hande nun bo juro amen dow mooɗon yeeso Titus laati nun gooŋa.

Korintu ɗiɗaɓol 7:4

Mii hoolii on puy, mii juroro on bo. Ɓerne am e hebbi jam, mii seyii bo sanne der tooraaji amen fu.

Filippi 1:14

Maɓɓol am accii banniraaɓe ɗuuɓɓe ɓeydii hoolaago Joomiraawo, ɓe accii hulugo, ɓe ɓeydi cuusal dow waajaago haala Alla.

Filippi 2:17

Golle mooɗon laatake hande dokkal goonɗinki mon. Baa to ƴiiƴam am reƴƴitake dow dokkal mooɗon, mii seyorii ɗum, mii seyorii on bo on fu.

Koloosi 1:24

Jooni, ɓerne am e weli gam tooraaji ɗi keɓammi gam mooɗon. Hande non, kebbiniranmi ko horii der tooraaji *Almasiihu gam ɓannu mum, laatiiŋol eklesiya makko.

Tesalonika Aranol 5:23

Alla e hoore mum, kokkoowo en jam, laaɓina on mammam, reena laaɓal yonki e beelu e ɓannu mon fu, ɗum walaa gacce faa nyalaane garki Joomiraawo meeɗen Yeesu *Almasiihu.

Piyer Aranol 4:16

Amma to o tooraama gam oo tokkii Almasiihu, to o sentir ɗum, o yetta Alla gam oo noddee goonɗinɗo Almasiihu.

Yuhaana Aranol 2:28

Jooni kan onon sukaaɓe am, tabitee der kawtal mon e *Almasiihu, gam keɓen cuusal daraago yeeso makko nyaanne o suppitoy, heɓa daɗen senteene nyalaane garki makko.