Efesu 2:3 - Bible Fulfulde Bénin New Testament

³ En fu, hande no maɓɓe laatinoɗen. Suunooji meeɗen tokkunoɗen. Ko miilooji meeɗen kalluɗi, e jikku meeɗen yiɗi gaɗetenno. Gam sabbu jikku meeɗen ŋu, mone Alla nun haandannoo en hande no maɓɓe.

Efesu 2:3 ပူးပေါင်းရင်းမြစ်များ

Marku 4:19

amma miilooji duuniyaaru, e jarbeeji jawdi, e suuno heɓugo huune ɗuuɗɗum naata e maɓɓe, omma haala kan, ka laatoo dimara.

Yuhaana 1:13

Ɓe laataaki ɓiɓɓe Alla diga e dingol, e yidde tagaaɗo bo bane, amma gam Alla hokkii ɓe yonki kesi.

Yuhaana 8:44

*Seyɗan woni baaba mooɗon. Jiɗaaɗi baaba mooɗon gaɗoton. Baroowo nun o laatii diga fuɗɗoode. O walaa der gooŋa, gam gooŋa walaa der makko. To oo bata fewre, jikku makko nun, gam oo pewoowo, oo baaba fewre.

Golle Lilaaɓe 14:16

E jaamanuuji jawtuɗi o accii lenyi fu e tokki laabi muuɗum.

Roma 1:24

Gam majjum, Alla yoofi ɓe ɓe gaɗa coɓuɗum, hande no suuno ɓerɗe maɓɓe yiɗi. Nonnon ɓe coɓinirta ɓalli maɓɓe, kamɓe e ko'e maɓɓe.

Roma 11:30

Naane, on ɗowtanaakino Alla. Amma joonii on keɓii enɗam Alla gam dullere ɗowtaare Yahuduuɓe.

Roma 13:14

Ɓornee jikku Joomiraawo meeɗen Yeesu Almasiihu hande no ɓornortoɗon kolte. To on kiinnitanee ɓannu gam deƴƴitingo suunooji maggol.

Roma 2:14

Ɓe lenyi janani, woodaa tawreeta, amma ɓee gaɗa ko tawreeta wi'i e sago maɓɓe. Ɓe goodaa tawreeta, amma ɓee laatanii ko'e maɓɓe tawreeta.

Roma 5:10

Wakkati laatinoɗen wayɓe Alla, o weldinii en e hoore makko diga e maayde Ɓiyiiko. Jooni en beldii e makko, to non non en keɓan hisineego gam yonki Ɓiyiiko.

Roma 5:9

To en laatinaama foonnitiiɓe gam ƴiiƴam Almasiihu, den kan, een anni en daɗan mone Alla sabbu makko.

Roma 6:12

Gam majjum, to on accee hakke laamanoo ɓalli mooɗon maayooji, to on ɗowtanee suunooji majji.

Roma 7:18

Gam mii anni, ko wooɗi walaa der am, waato der ɓannu am. Mii yiɗi waɗugo ko wooɗi, amma mi waawataa ko waɗi ɗum.

Roma 9:22

Alla yiɗii hollitingo mone mum e baawɗe mum. Amma o munyanii himɓe puy, kamɓe haanannooɓe mone makko, resanooɓe gam halkere.

Korintu Aranol 4:7

Den moy ɓurnu maa dow woɓɓe? Ume gooduɗaa ko a hokka ɗum bane? To laatake a hokka ɗum nun, ume waɗi go aa mawnitoroo ɗum hande a hokka ɗum bane?

Korintu ɗiɗaɓol 7:1

Banniraaɓe am yiɗaaɓe, enen nun alkawalji ɗii fu laatanii. Gam majjum en laaɓinee ko'e meeɗen e tuuni ɓannu, e jiɗaaɗe yonki fu. En kebbinee senaare men een ɗowtoranii Alla.

Galaatiya 3:22

Dewtere wi'i, hakke jaalake himɓe fu. To non goonɗinɓe Yeesu *Almasiihu heɓan ko ɓe kaɓɓanaa alkawal gam goonɗinki maɓɓe.

Efesu 2:2

Kanji tokkunoɗon, hande no duuniyaaru yahirta, ɗowtaniɗon hooreejo ruuhuuji kalluɗi, tawaaɗi hakkune dow e ley. Ruuhuuji ɗin nun gollotoo faa e hanne caka himɓe yedduɓe Alla.

Efesu 4:22

To non, ɓortee jikku mooɗon ŋu gonunoɗon e muuɗum. Kanjum woni suunooji ɓannu kalkooji yonkiiji mooɗon.

Koloosi 1:21

Naane, oon boɗɗodinoo e Alla, oon laatinoo wayɓe makko, gam miilooji mooɗon kalluɗi, e golle mooɗon bonɗe.

Tesalonika Aranol 4:13

Banniraaɓe, emen jiɗi paamon haala maayɓe gam to ɓerɗe mooɗon biisoo hande himɓe ɓe walaa tammuwe.

Tesalonika Aranol 5:6

Gam majjum to en ɗaane hande no woɓɓe ɗaanorii, amma en pinee, jogoɗen ko'e meeɗen.

Timote Aranol 6:9

Amma suunaaɓe jawdi, jarbeeji waranan ɓe. Ɓe jantan pitti *Seyɗan e suunooji ɗi nafataa, jaarooji der majjere e halkere.

Titus 3:3

Gam enen bo, een laatinoo ɓe walaa hakkillo, nanaruuɓe, e majjuɓe. Een laatinoo maccuɓe jiɗaali, e suunooji ɗiye fu. Een goodunoo ganyaani e nawniraagu, een banyontiri, en banyaa, een banyontiri.

Piyer Aranol 1:14

Laatee hande sukaaɓe ɗowtiiɓe, to on tokkee suunooji mon ɗi gonnoɗon der muuɗum wakkati on annaano Almasiihu.

Piyer Ɗiɗaɓol 2:14

Gite maɓɓe sawtataa daarugo rewɓe e suuno, ɓe comataa waɗugo hakke, ɓee pooɗa ɓe goonɗinki mum walaa semme der pitti maɓɓe. Ɓerɗe maɓɓe e hebbi suuno keɓal, bone laatanto ɓe.

Piyer Ɗiɗaɓol 2:18

Ɓee bata haalaaji mawnitiiɗi, ɗi galaa hoore. Ɓee ƴoyra himɓe e haalaaji suuno ɓannu. Himɓe ɓen wurtikeno ɗum ɓooyay diga majjuɓe.

Yuhaana Aranol 2:16

Gam huune ko woni e duuniyaaru, hande jon ko neɗɗo suunete, e ko gite yi'ata, suunee, e jawdi ni o mawnitorto, kujje ɗe fu ƴiway e Baaba, e duuniyaaru ɗe ƴiwi.

Yuhaana Aranol 2:8

E nun fu ooda kesa nun binnanmi on, gooŋa makka hollitake der *Almasiihu, ka hollitake der mooɗon bo. Gam niwre e yawta, jayŋol gooŋawol fuɗɗii yaynugo.