Efesu 2:2 - Bible Fulfulde Bénin New Testament

² Kanji tokkunoɗon, hande no duuniyaaru yahirta, ɗowtaniɗon hooreejo ruuhuuji kalluɗi, tawaaɗi hakkune dow e ley. Ruuhuuji ɗin nun gollotoo faa e hanne caka himɓe yedduɓe Alla.

Efesu 2:2 ပူးပေါင်းရင်းမြစ်များ

Matiye 11:19

*Ɓii neɗɗo warii, e nyaama, e yara. Den, himɓe wi'i: ‟O laati nun deereeruujo, e jaroowo bagi. Oo laatii bo beldiijo jaɓooɓe ceede faada, e waɗooɓe hakke hande maɓɓe.” Amma, hakkillo Alla e hollitoo der golle muuɗum.»

Matiye 13:22

Goɗɗo e nandi e awdiiri caamuni to gi'e woni. To o nanii haala Alla, ɓillaaje duuniyaaru e yidde jawdi ɓiɗɗa ka, ka rimataa ɓikkol.

Matiye 13:38

Gesa ŋan woni duuniyaaru. Awdiiri geeri woni fotuɓe naata der *Laamaare Alla, fuɗo kalluko woni, tokkuɓe Kalluɗo.

Marku 4:19

amma miilooji duuniyaaru, e jarbeeji jawdi, e suuno heɓugo huune ɗuuɗɗum naata e maɓɓe, omma haala kan, ka laatoo dimara.

Luka 16:8

Joomiraawo manii gollotooɗo mum mo hoolaaka on gam o waɗii ƴoyre. Gam himɓe duuniyaaru e woodi ƴoyre der gondal e banniraaɓe ɓuri tawaaɓe der jayŋol.»

Luka 22:31

Joomiraawo wi'i: «Simon, Simon, *Seyɗan eelii wesa on hande gawri.

Yuhaana 12:31

Jooni woni kiita duuniyaaru. Jooni laamiiɗo duuniyaaru nuu, tippetee yaasi.

Yuhaana 13:2

Wakkati hiraane, *Seyɗan watti e ɓerne Yahuuda Iskariyot ɓii Simon o jammoo Yeesu.

Yuhaana 13:27

Ɓaawo o jaɓi lonŋere nen, Seyɗan naati e makko. Yeesu wi'i mo: «Waɗu ko gaɗataa, law!»

Yuhaana 14:30

Mi baddataa kade e mooɗon ko ɗuuɗi, gam laamiiɗo duuniyaaru nuu e wara. Baa goɗɗum o waawataa e am,

Yuhaana 15:19

To oon laatinoo ɓe duuniyaaru, duuniyaaru yiɗanno ko mum. Amma onon ɓe duuniyaaru bane. Min seenni on e duuniyaaru, no cuɓumi on. Gam majjum nu wanyi on.

Yuhaana 16:11

Dow kiita, ɓee boofa gam laamiiɗo duuniyaaru hiitaama ko.

Yuhaana 7:7

Himɓe duuniyaaru waawataa ko wanyi on, amma min, ɓee banyimmi gam mii seedoo golle maɓɓe wooɗaa.

Yuhaana 8:23

Yeesu wi'i ɓe: «E ley jeyaɗon, amma min, dow jeyaami. E duuniyaaru nuu jeyaɗon, amma min, mi jeyaaka e maayru.

Yuhaana 8:44

*Seyɗan woni baaba mooɗon. Jiɗaaɗi baaba mooɗon gaɗoton. Baroowo nun o laatii diga fuɗɗoode. O walaa der gooŋa, gam gooŋa walaa der makko. To oo bata fewre, jikku makko nun, gam oo pewoowo, oo baaba fewre.

Golle Lilaaɓe 19:35

Den binnoowo mo siire nen deƴƴitini jama'aare, wi'i: «Onon Efesunkeeɓe, moy woni mo annaa siire Efesu nun woni deenoore saafirde Artemis mawɗo, kanko e foto makko janoyɗo diga kammu?

Golle Lilaaɓe 5:3

Piyer wi'i mo: «Ananiyas, ko waɗi accuɗaa *Seyɗan naati e ɓerne maa faa pewanɗaa *Ruuhu Ceniiɗo, cuuɗuɗaa ceede leydi nin goɗɗe mum?

Roma 12:2

To on nandee e himɓe duuniyaaru nu. Amma accee Alla waylita on. Hakkillooji mooɗon laatoo kesi. Den on baawan suttontirgo ko Alla yiɗi, e ko wooɗi, e ko weli, e ko hebbi.

Korintu Aranol 5:10

Himɓe duuniyaaru jeenooɓe bane batananmi, to ɗum bo suunaaɓe, maa bo wuyɓe, to ɗum bo saafooɓe tooruuje, gam to kamɓe nun batananmi, doole sey burtoɗon duuniyaaru.

Korintu Aranol 6:11

Woɓɓe mooɗon laatakeno hande non, amma jooni on lootaama, cenaɗon, on laatinaama foonnitiiɓe e baawɗe inne Joomiraawo meeɗen Yeesu *Almasiihu, e *Ruuhu Alla meeɗen.

Korintu ɗiɗaɓol 4:4

Kamɓe, ɓe goonɗinay, gam Seyɗan wuminii hakkillo maɓɓe. O waɗii ɗum gam to ɓe ji'u jayŋol linjiila kolloowa tedduŋal *Almasiihu, laatiiɗo nandi Alla.

Galaatiya 1:4

Almasiihu hokkii hoore mum gam hakkeeji meeɗen. O wurtinii en diga e jamaanuuru hallunu nu. Hande non Alla Baaba meeɗen yiɗiri.

Efesu 1:21

Hande non Almasiihu laatorii ɓuruɗo laamuuji e baawɗeeji e semmeeji e mawɓe fu. Kanko nun laatii hooreejo dow ko woodi inne fu, hinaa der duuniyaaru nuu ɗo tan, amma e der duuniyaaru nu yeeso bo.

Efesu 2:11

*Yahuduuɓe e woodunoo maane juulnol e ɓalli mum, ɓee jiɗi bo noddeego «juulniiɓe.» Onon ɓe laataaki *Yahuduuɓe, on goodaa hande maane nen e ɓalli mon, go ɓee nodda on «heeferɓe.» To non ciwtoree ko laatinoɗon.

Efesu 2:13

Amma jooni, no kawtuɗon e Yeesu Almasiihu, onon woɗɗinooɓe, on ɓattinaama diga e ƴiiƴam makko deƴƴitiiɗam.

Efesu 2:3

En fu, hande no maɓɓe laatinoɗen. Suunooji meeɗen tokkunoɗen. Ko miilooji meeɗen kalluɗi, e jikku meeɗen yiɗi gaɗetenno. Gam sabbu jikku meeɗen ŋu, mone Alla nun haandannoo en hande no maɓɓe.

Efesu 4:17

Mii bata on, mii batitoo e inne Joomiraawo, to on nyaamee goonki mon hande heeferɓe, ɓe miilooji mum majjinta ɗum.

Efesu 4:22

To non, ɓortee jikku mooɗon ŋu gonunoɗon e muuɗum. Kanjum woni suunooji ɓannu kalkooji yonkiiji mooɗon.

Efesu 5:6

To on accee goɗɗo majjina on e haalaaji baanji baanji, gam iri majjum nun waddata mone Alla dow saliiɓe ɗowtanaago mo.

Efesu 5:8

Aran, der niwre gonunoɗon, amma jooni, gam kawtal mooɗon e Joomiraawo, on naati e jayŋol. To non, buuree hande ɓiɓɓe jayŋol.

Efesu 6:12

Gam e himɓe bane kaɓidinten, amma e ruuhuuji kalluɗi, tawaaɗi dow kammu, gooduɗi baawɗe e semme, e laamanii duuniyaaru nu niwre.

Koloosi 1:21

Naane, oon boɗɗodinoo e Alla, oon laatinoo wayɓe makko, gam miilooji mooɗon kalluɗi, e golle mooɗon bonɗe.

Timote Ɗiɗaɓol 4:10

Gam Demas accii am, sabbu yidde duuniyaaru, o yahii Tesalonika. Kereskes yahii Galaatiya, Titus bo yahii Dalmatiya.

Yaakuuba 1:27

Diina laaɓuka, seniika yeeso Alla *Baaba meeɗen nani: Wallugo goonɗaaɓe e rewɓe talakaaɓe ɓe worɓe mum maayi, e reenugo hoore mum e tuuni duuniyaaru.

Yaakuuba 1:7

Neɗɗo ga'uɗo nun to miiju heɓugo goɗɗum to Joomiraawo.

Yaakuuba 4:4

Onon ɓe holnaaki. E gooŋa, on annaa yiɗugo duuniyaaru laati nun wanyugo Alla? Jiɗɗo laataago giɗo duuniyaaru fu, waɗii hoore mum ganyo Alla.

Piyer Aranol 1:14

Laatee hande sukaaɓe ɗowtiiɓe, to on tokkee suunooji mon ɗi gonnoɗon der muuɗum wakkati on annaano Almasiihu.

Piyer Aranol 4:3

Goonki mon ki nyaamunoɗon naane, gaɗuɗon hande heeferɓe, ki heƴi, on gonakeno der hallumaru, e suunooji e jarɗe bagi, e fijooji kalluɗi, e jaamanuuji jarɗe bagi, caafuɗon tooruuje karmuɗe.

Piyer Ɗiɗaɓol 2:14

Gite maɓɓe sawtataa daarugo rewɓe e suuno, ɓe comataa waɗugo hakke, ɓee pooɗa ɓe goonɗinki mum walaa semme der pitti maɓɓe. Ɓerɗe maɓɓe e hebbi suuno keɓal, bone laatanto ɓe.

Yuhaana Aranol 3:10

Ko seennontirta ɓiɓɓe Alla e ɓiɓɓe *Ibiliisa nani: mo waɗay ko goonɗi fu, neɗɗo Alla bane. Mo yiɗaa banniraaɓe mum bo, laataaki mo Alla.

Yuhaana Aranol 3:8

Gaɗoowo hakke fu laati nun neɗɗo *Ibiliisa, gam Ibiliisa e waɗa hakke diga fuɗɗoode. Gam majjum *Ɓiɗɗo Alla wari gam halka golle Ibiliisa.

Yuhaana Aranol 4:4

Sukaaɓe am, onon on himɓe Alla, on jaalake annabiiɓe fewooɓe, gam *Ruuhu gonɗo der mooɗon e ɓuri gonɗo der duuniyaaru semme.

Yuhaana Aranol 5:19

Een anni en himɓe Alla, go duuniyaaru fu e woni der junŋo Ibiliisa.

Yuhaana Aranol 5:4

gam laatiiɗo mo Alla fu, jaaloto kujje duniyaaru. E goonɗinki meeɗen jaalortoɗen kujje duniyaaru.

Kollitinki 12:9

Kuuŋa manŋa ŋan wurtinaama yaasi. Kanŋa woni boddi nayeeri, bi'eteeni *Ibiliisa e *Seyɗan, jarbotooɗo duuniyaaru fu. O faɗɗaama e leydi, e malaykaaɓe makko fu.

Kollitinki 13:14

Ŋa ƴoyri himɓe duuniyaaru e kaayeefiiji. Ŋa hokkaama baawɗe waɗugo kaayeefiiji ɗin yeeso bisaa arana. Ŋa bati himɓe duuniyaaru waɗa tooruure nandune e bisaa nawnaaŋa e kaafahi ko daɗi.

Kollitinki 13:8

Himɓe wonuɓe e duuniyaaru, ɓe inɗe mum winnaaka der dewtere yonki diga fuɗɗoode duuniyaaru, sujidanan bisaa ŋan. *Jawgiyel kiisanooŋel nun woodi dewtere nen.

Kollitinki 16:17

Malaykaajo jeeɗiɗaɓo reƴƴiti jarirgel mum dow hennu, daane towne gom nanaa diga kittaal laamu, der suudu Alla e wi'a: «Ɗum heennyii!»

Kollitinki 20:2

O nanŋi kuuŋa, boddi nayeeri, bi'eteeni *Ibiliisa e *Seyɗan, o haɓɓi ŋa faa duuɓi ujuneere.