UmTshumayeli 8:10 - IBhayibhili Elingcwele LesiNdebele

¹⁰ Ngabona njalo ababi bengcwatshwa, labo ababehlala befika bahambe endaweni engcwele bazuze udumo kulelodolobho ababeganga khona. Khona lakho kuyize.

iBhayibhili Elingcwele 1978

¹⁰ Ngasengibona abantu ababi bengcwatshwa, labantu abavela emangcwabeni bebabuka emzini lapha babesenza khona okubi. Lokho lakho kulize.

UmTshumayeli 8:10 ပူးပေါင်းရင်းမြစ်များ

UJobe 21:18

Kukangaki besiba njengomule emoyeni na, njengamakhoba ephetshulwa yisivunguzane?

AmaHubo 31:12

Sebekhohliwe ngami kungathi sengafa; senginjengembiza yebumba ehlephukileyo.

Izaga 10:7

Umkhumbulo ngomuntu olungileyo ubusisekile kodwa ibizo lesigangi lizabola.

UmTshumayeli 1:11

Kayikho imikhumbulo ngabantu bakudala, njalo lalabo abezayo abayikukhunjulwa yilabo abalandelayo.

UmTshumayeli 2:16

Ngoba umuntu ohlakaniphileyo, njengesiwula, akazukukhunjulwa kokuphela; ngezinsuku ezizayo bobabili bazakhohlakala. Njengesiwula, umuntu ohlakaniphileyo laye uzakufa!

UmTshumayeli 9:15

Kulelodolobho kwakuhlala indoda ethile engesulutho kodwa ihlakaniphile, ngakho yawusindisa umuzi lowo ngokuhlakanipha kwayo. Kodwa kakho loyedwa owaphinde wayikhumbula leyondoda eyayingebani.

UmTshumayeli 9:5

Ngoba abaphilayo bayakwazi ukuthi bazakufa, kodwa abafileyo kabazi lutho; kabaselawo omunye umvuzo, ngitsho lokukhumbula ngabo kuyaphela.

UJeremiya 17:13

Awu Thixo, themba lika-Israyeli, bonke abakudelayo bazayangiswa. Labo abakuhlamukelayo bazabhalwa othulini ngoba bedele uThixo, umthombo wamanzi okuphila.

ULukha 16:22

Kwafika isikhathi lapho isiceli esafa khona, izingilosi zasithwala zasisa eceleni lika-Abhrahama. Lesicebi laso safa, sabekwa.

Imisebenzi 6:13

Baveza ofakazi bamanga abafakaza bathi, “Indoda le kayikhawuli ukukhuluma kubi ngendawo engcwele langomthetho.

AmaHebheru 10:38

Kodwa, “Olungileyo wami uzaphila ngokukholwa. Angahlehlela emuva, kangiyikuthokoza ngaye.”