UmTshumayeli 7:18 - IBhayibhili Elingcwele LesiNdebele

¹⁸ Kuhle ukuthi uthi ubambe lokhu ungayekeli uphunyukwe ngokunye. Umuntu owesaba uNkulunkulu kedlulisi amalawulo.

iBhayibhili Elingcwele 1978

¹⁸ Kuhle ukuba ubambelele kokunye, ungakuyekeli lokunye; ngoba umuntu omesabayo uNkulunkulu uzaphepha kukho kokubili.

UmTshumayeli 7:18 ပူးပေါင်းရင်းမြစ်များ

Izaga 12:21

Akukho ngozi ewela abalungileyo, kodwa izigangi zikhulelwa zinhlupho.

Izaga 8:20

Ngihamba ngendlela yokulunga, ngilandela umkhondo wokuqonda,

UmTshumayeli 11:6

Hlanyela inhlanyelo yakho ekuseni, kuthi ntambama uphumuze izandla zakho, ngoba kawukwazi okuzaphumelela, kumbe yilokhu loba yilokhuyana, langabe kokubili kuzalunga ngokufananayo.

UmTshumayeli 12:13

Manje-ke konke sekuzwakele; nansi isiphetho sendaba: Mesabe uNkulunkulu ugcine imiyalo yakhe, ngoba lo yiwo wonke umlandu womuntu.

UmTshumayeli 3:14

Ngiyazi yonke into eyenziwa nguNkulunkulu izakuba khona kokuphela; akulalutho olungengezwa kukho loba kususwe kukho. UNkulunkulu uyenza lokho ukuze abantu bamkhonze.

UmTshumayeli 5:7

Ukuphupha kanengi lamazwi amanengi kuyize. Ngakho mesabe uNkulunkulu.

UmTshumayeli 8:12

Loba umuntu ogangileyo engenza amacala alikhulu ajinge aphile okwesikhathi eside, ngiyazi ukuthi kuzakuba ngcono kulabo abamesabayo uNkulunkulu, abazithobayo kuNkulunkulu.

UmTshumayeli 8:13

Kodwa ngenxa yokuthi izixhwali kazimesabi uNkulunkulu, kakuzukuzilungela, lezinsuku zazo kaziyukweluleka njengesithunzi.

UJeremiya 32:40

Ngizakwenza labo isivumelwano esingapheliyo: Angiyikuyekela ukwenza okuhle kubo, ngizabafunzelela ukuba bangesabe, ukuze bangangideli.

UMalaki 4:2

Kodwa lina elilesabayo ibizo lami, ilanga lokulunga lizaphuma lilokusiliswa emaphikweni alo. Njalo lizaphuma liqolotshe njengamathole evulelwe esibayeni sawo.

ULukha 1:50

Isihawu sakhe sifinyelela kulabo abamesabayo, kulandela isizukulwane ngesizukulwane.

ULukha 11:42

Maye kini baFarisi, ngoba lipha uNkulunkulu okwetshumi kweminti, lazozonke izithelo zesivande senu, kodwa lidele ukwenza okulungileyo kanye lokuthanda uNkulunkulu. Kumele likwenze konke okulungileyo, ukuthanda uNkulunkulu lokukhipha lokwetshumi.