UmTshumayeli 7:12 - IBhayibhili Elingcwele LesiNdebele

¹² Ukuhlakanipha kuyisiphephelo njengoba imali iyisiphephelo, kodwa ubungcono bolwazi yilobu: ukuthi ukuhlakanipha kuyayilondoloza impilo yalowo olakho.

iBhayibhili Elingcwele 1978

¹² Ukuvikelwa yikuhlakanipha kuyafanana lokuvikelwa yimali; ukuhlakanipha kuyabasiza abantu abalakho ngokubanika ukuphila.

UmTshumayeli 7:12 ပူးပေါင်းရင်းမြစ်များ

UJobe 1:10

Kawumbiyelanga ngothango yini yena lendlu yakhe, kanye lakho konke alakho? Uwubusisile umsebenzi wezandla zakhe kuze kuthi imihlambi yakhe yezimvu leyenkomo igcwale ilizwe lonke.

AmaHubo 57:1

Woba lesihawu kimi, Oh Nkulunkulu, woba lomusa kimi, ngoba umphefumulo wami uphelela kuwe. Ngizaphephela ethunzini lamaphiko akho kuze kudlule incithakalo le.

Izaga 11:4

Inotho kayisizi lutho ngosuku lweziphithiphithi kodwa ukulunga kuyaphephisa ekufeni.

Izaga 14:20

Abayanga bahlanyukelwa langabomakhelwane babo, kodwa izinothi zilabangane abanengi.

Izaga 2:11

Ukwazi ukukhetha kuzakuvikela, lokuzwisisa kuzakulinda.

Izaga 2:7

Abaqotho ubapha ukunqoba, ulihawu lalabo abahamba bengasoleki,

Izaga 3:18

Kuyisihlahla sokuphila kulabo abakwamukelayo; labo abakuphathayo bazabusiswa.

Izaga 8:35

Ngoba lowo ongifumanayo uzuza ukuphila emukeliswe ukuthandwa nguThixo.

Izaga 9:11

Ngoba ngami zizakuba zinengi insuku zakho, kwandiswe iminyaka yokuphila kwakho.

UmTshumayeli 10:19

Idili lenzelwa ukujabula, lewayini lenza impilo ibe mnandi, kodwa imali yiyo impendulo yakho konke.

UmTshumayeli 2:13

Ngabona ukuhlakanipha kungcono kulobuwula, njengokukhanya kungcono kulomnyama.

UmTshumayeli 7:19

Ukuhlakanipha kwenza umuntu ohlakaniphileyo oyedwa abe lamandla kulababusi abalitshumi edolobheni.

UmTshumayeli 9:16

Yikho-ke ngasengisithi, “Ukuhlakanipha kungcono kulamandla.” Kodwa ukuhlakanipha komuntukazana kuyeyiswa lamazwi akhe akasanakwa.

UmTshumayeli 9:18

Ukuhlakanipha kungcono kulezikhali zempi, umoni oyedwa uyabuchitha bonke ubuhle.

U-Isaya 30:2

labaya eGibhithe bengabuzanga kimi; abadinga usizo lokuvikelwa nguFaro, lomthunzi wokuphephela eGibhithe.

U-Isaya 32:2

Umuntu ngamunye uzakuba njengesihonqo sokuvikela umoya, lesiphephelo sokucatshela isiphepho, njengezihotsha zamanzi enkangala njengomthunzi wedwala elikhulu elizweni elomileyo.

U-Isaya 33:6

Uzakuba yisisekelo esithembekileyo sesikhathi senu, isiphala esigcwele usindiso, ukuhlakanipha lokwazi; ukumesaba uThixo kuyisiqokoqela sokuzuza ingcebo le.

UJohane 12:50

Ngiyazi ukuthi umlayo wakhe uholela ekuphileni kwaphakade. Ngakho loba kuyini engikutshoyo yikho lokho uBaba angitshele khona ukuthi ngikutsho.”

UJohane 17:3

Manje-ke yilokhu ukuphila okungapheliyo: ukuthi bakwazi wena, onguwe wedwa uNkulunkulu weqiniso, loJesu Khristu omthumileyo.

UDutheronomi 32:47

Akusimazwi alula nje kini, ayikuphila kwenu. Ngala amazwi lizaphila isikhathi eside elizweni eselingena kulo lichapha uJodani ukuba lilithathe libe ngelenu.”

AbaseFiliphi 3:8

Phezu kwalokho, konke ngikubona kuyize lapho kulinganiswa lobukhulu obumangalisayo bokwazi uKhristu Jesu iNkosi yami esengilahlekelwe yizinto zonke ngenxa yakhe. Ngikubona kuyimfucuza ukuze ngizuze uKhristu

Abahluleli 9:15

Isihlahla sameva sathi ezihlahleni, ‘Nxa lifuna ngempela ukuthi lingigcobe ukuba ngibe yinkosi yenu, wozani lizecatsha emthunzini wami, kodwa nxa kungenjalo, akuphume umlilo esihlahleni sameva uqothule imsedari yaseLebhanoni!’