UmTshumayeli 6:7 - IBhayibhili Elingcwele LesiNdebele

⁷ Yonke imizamo yomuntu iya emlonyeni wakhe, kodwa iphango lakhe kaligcwali.

iBhayibhili Elingcwele 1978

⁷ Umuntu usebenzela ukudla ekutshikatshikeni kwakhe konke, kodwa ukukhanuka kwakhe kakwaneliswa.

UmTshumayeli 6:7 ပူးပေါင်းရင်းမြစ်များ

Izaga 16:26

Isisebenzi sifuqwa liphango ukusebenza kakhulu; ukulamba yikho okusikhuthazayo.

UmTshumayeli 1:8

Zonke izinto ziyadina, lokho okungelandiswe muntu. Ilihlo kalidinwa yikubona, lendlebe layo kayigcwali ngokuzwa.

UmTshumayeli 5:10

Lowo othanda imali akaneliswa yiloba yimalini; lowo othanda inotho akasuthiswa yilokho akuzuzayo. Lokhu lakho kuyize.

UmTshumayeli 5:9

Inala elizweni ngeyomuntu wonke; inkosi ngokwayo ithola inzuzo ngalokho okuvela emasimini.

UmTshumayeli 6:3

Umuntu angaba labantwana abalikhulu aphile okweminyaka eminengi; ikanti loba angaze aphile kanganani kodwa nxa engeke akholise inotho yakhe njalo angangcwatshwa ngendlela eqondileyo, ngithi umphunzo ungcono kulaye.

UmTshumayeli 6:8

Umuntu ohlakaniphileyo ungcono ngani kulesiwula? Umuntu ongumyanga uzuzani ngokwazi ukuziphatha kuhle phambi kwabanye na?

UMatewu 6:25

“Ngakho ngiyalitshela ukuthi lingakhathazeki ngokuphila kwenu, ukuthi lizakudlani loba lizanathani; kumbe ngemizimba yenu, ukuthi lizagqokani. Impilo kayiqakathekanga ukwedlula ukudla na, lomzimba ukwedlula izigqoko na?

ULukha 12:19

Ngizazitshela ngithi, “Usulezinto ezinengi ezinhle njalo ezizakwanela iminyaka eminengi. Kholisa impilo, udle, unathe uthokoze.” ’

UJohane 6:27

Lingasebenzeli ukudla okubolayo, kodwa sebenzelani ukudla okuhlala okwempilo engapheliyo elizakuphiwa yiNdodana yoMuntu. UBaba uNkulunkulu usebeke kuyo uphawu lwakhe.”