UmTshumayeli 6:12 - IBhayibhili Elingcwele LesiNdebele

¹² Kambe ngubani okwaziyo okulungele umuntu ekuphileni kwakhe ngensuku ezimbalwa ezingatsho lutho adlula kuzo njengethunzi na? Ngubani ongamtshela okuzakwenzeka ngaphansi kwelanga yena esedlule?

iBhayibhili Elingcwele 1978

¹² Ngoba ngubani okwaziyo okumfaneleyo umuntu esahlezi insuku eziyingcosana zokuphila kwakhe okulize okudlula njengesithunzi na? Ngubani ongatshela umuntu lokho okuzakuba khona ngemva kwakhe ngaphansi kwelanga na?

UmTshumayeli 6:12 ပူးပေါင်းရင်းမြစ်များ

1 ImiLando 29:15

Singabezizweni lezethekeli emehlweni akho, njengoba labokhokho bethu bonke babenjalo. Insuku zethu emhlabeni ziyafanana lesithunzi, asisilutho, kalikho ithemba.

UJobe 14:2

Uyaqhakaza njengeluba aphinde abune; njengesithunzi esithi tshazi, akemi.

UJobe 14:21

Nxa amadodana akhe ezuza udumo, kawakwazi; nxa izizukulwane zakhe zisehliswa, kazikuboni.

UJobe 8:9

ngoba thina sizelwe izolo nje, kasazi lutho, lezinsuku zethu emhlabeni zilithunzi kuphela.

AmaHubo 102:11

Insuku zami zifana lesithunzi sakusihlwa; ngiyabuna njengotshani.

AmaHubo 109:23

Ngiyafiphala njengethunzi lakusihlwa; ngiyaphetshulwa njengentethe.

AmaHubo 144:4

Umuntu unjengomphefumulo; insuku zakhe zinjengesithunzi esidlulayo masinyane.

AmaHubo 16:5

Thixo, usungahlukanisele isabelo sami kanye lenkezo yami; konke okwami usukumise kuhle.

AmaHubo 17:15

Mina-ke ngenxa yokulunga ngizabubona ubuso bakho; ngizakuthi ekuvukeni kwami nganeliswe yikubona isimo sakho.

AmaHubo 4:6

Abanengi bayabuza bathi, “Kuvele ngubani ongasitshengisa ukulunga na?” Sengathi ukukhanya kobuso bakho kungakhazimula phezu kwethu, Oh Thixo.

AmaHubo 47:4

Wasikhethela ilifa lethu, igugu likaJakhobe amthandayo.

AmaHubo 89:47

Khumbula ukwedlula masinyane kwempilo yami. Ngoba wabadalela ize nje abantu!

UmTshumayeli 10:14

njalo isiwula sanda ngamazwi. Kakho okwaziyo okuzayo ngubani ongamazisa okuzakwenzakala ngemva kwakhe na?

UmTshumayeli 12:13

Manje-ke konke sekuzwakele; nansi isiphetho sendaba: Mesabe uNkulunkulu ugcine imiyalo yakhe, ngoba lo yiwo wonke umlandu womuntu.

UmTshumayeli 2:24

Akukho okungcono emuntwini ngaphandle kokuthi adle, anathe njalo azuze ukusuthiseka ngomsebenzi wakhe. Lokhu lakho ngiyakubona ukuthi kuvela kuNkulunkulu,

UmTshumayeli 2:3

Ngazama ukuzithabisa ngewayini, ngisenza ubuwula kodwa ingqondo yami ilokhu ingikhokhela ngokuhlakanipha. Ngangifuna ukubona ukuthi kuyini okumlungeleyo umuntu ukuthi akwenze lapha ngaphansi kwezulu ngezinsukwana lezo zokuphila kwakhe.

UmTshumayeli 3:22

Yikho ngabona ukuthi kakukho okungcono emuntwini ngaphandle kokuthi akholise umsebenzi wakhe ngoba leso yiso isabelo sakhe. Ngoba kambe ngubani ongamenza ukuthi abone lokho okuzakwenzakala yena esedlule?

UmTshumayeli 6:11

Ngokwanda kwamazwi siyancipha lesisindo sawo; pho kumsiza ngani umuntu?

UmTshumayeli 7:15

Kuyonale impilo yami eyize sengizibonile izinto lezi zombili: umuntu olungileyo uyafa elungile enjalo, lomuntu omubi uba lempilo enhle emubi enjalo.

UmTshumayeli 8:13

Kodwa ngenxa yokuthi izixhwali kazimesabi uNkulunkulu, kakuzukuzilungela, lezinsuku zazo kaziyukweluleka njengesithunzi.

UmTshumayeli 8:7

Njengoba kungekho muntu olaziyo ikusasa, ngubani pho ongamtshela okuzayo na?

UmTshumayeli 9:6

Uthando lwabo, inzondo yabo lomona wabo sekwedlula nya; nini lanini kabasayikuba lengxenye loba kukuphi okwenzakalayo ngaphansi kwelanga.

UmTshumayeli 9:9

Kholisa impilo lomfazi wakho omthandayo kuzozonke insuku zale impilo eyize uNkulunkulu akunike yona ngaphansi kwelanga, zonke insuku zakho eziyize. Phela lesi yiso isabelo sakho empilweni phakathi kokutshikatshika kwakho ngaphansi kwelanga.

UMikha 6:8

Ukutshengisile wena muntu okuhle. UThixo ufunani kuwe na? Ukwenza okulungileyo lokuthanda umusa kanye lokuhamba ngokuzithoba loNkulunkulu wakho.

UJakhobe 4:14

Kungani ngoba phela kalikwazi okuzakwenzakala kusasa. Ukuphila kwenu kuyini na? Liyinkungu ebonakala okwesikhatshana ibe isinyamalala.