UmTshumayeli 2:22 - IBhayibhili Elingcwele LesiNdebele

²² Umuntu uzuzani ngakho konke ukusebenza nzima langokutshikatshika kabuhlungu lapha emhlabeni?

iBhayibhili Elingcwele 1978

²² Umuntu uzuzani ngokutshikatshika langobuhlungu asebenza ngakho ngaphansi kwelanga na?

UmTshumayeli 2:22 ပူးပေါင်းရင်းမြစ်များ

AmaHubo 127:2

Kuyize ukuvuka kwenu ngovivi liphinde libambe kuze kuhlwe, lisebenzela ukudla kokufaka emlonyeni ngoba upha ubuthongo kulabo abathandayo.

Izaga 16:26

Isisebenzi sifuqwa liphango ukusebenza kakhulu; ukulamba yikho okusikhuthazayo.

UmTshumayeli 1:3

Umuntu uzuzani ngawo wonke umsebenzi wakhe awusebenza nzima ngaphansi kwelanga?

UmTshumayeli 2:11

Kanti lanxa ngahlolisisa konke okwenziwa yizandla zami lalokho engangibhensela ukukuzuza, konke kwakuyize, yikuxotshana lomoya; kwakungela nzuzo ngaphansi kwelanga.

UmTshumayeli 3:9

Umuntu osebenzayo uzuzani na ngokusadalala kwakhe?

UmTshumayeli 4:6

Kungcono isandla esisodwa esigcweleyo silokuthula kulezandla ezimbili ezingagcwalanga ezilomtshikatshika lokuxotshana lomoya.

UmTshumayeli 4:8

Kwakulendoda eyayiyodwa zwi; yayingelandodana loba umfowabo. Yayisebenza gadalala ingaphumuli, kodwa amehlo ayo ayengasuthiswa yinotho yayo. Yabuza yathi, “Ngiginqela bani kangaka, njalo kungani ngizincitsha intokozo?” Lokhu lakho kuyize umsebenzi othelela usizi!

UmTshumayeli 5:17

Zonke insuku zakhe udlela emnyameni, ekhathazekile, ehluphekile, ezondile.

UmTshumayeli 8:15

Ngakho-ke ngikhuthaza ukuzithokozisa empilweni ngoba kakukho okungcono emuntwini ngaphansi kwelanga kulokuzitika, unathe, uthokoze. Lapho-ke injabulo izahlala injalo kuye emsebenzini wakhe zonke insuku zokuphila kwakhe aziphiwe nguNkulunkulu lapha emhlabeni.

UMatewu 16:26

Kuzamsiza ngani umuntu ukuzuza wonke umhlaba kodwa alahlekelwe ngumphefumulo wakhe na? Kambe umuntu angaphani esikhundleni sempilo yakhe na?

UMatewu 6:11

Siphe lamuhla isinkwa sethu sansukuzonke.

UMatewu 6:25

“Ngakho ngiyalitshela ukuthi lingakhathazeki ngokuphila kwenu, ukuthi lizakudlani loba lizanathani; kumbe ngemizimba yenu, ukuthi lizagqokani. Impilo kayiqakathekanga ukwedlula ukudla na, lomzimba ukwedlula izigqoko na?

UMatewu 6:34

Ngakho lingazihluphi ngelakusasa ngoba ikusasa lizazinqinekela lona. Usuku lunye ngalunye lulenhlupho zalo oluzaneleyo.”

ULukha 12:22

UJesu wasesithi kubafundi bakhe: “Ngakho ngilitshela ukuthi lingakhathazeki ngokuphila kwenu, ukuthi lizakudlani kumbe ngomzimba wenu, ukuthi lizagqokani.

ULukha 12:29

Lingazihluphi ezinhliziyweni zenu ngokuthi lizakudlani kumbe lizanathani; lingakhathazeki ngalokho.

1 AbaseKhorinte 16:16

ukuba lizinikele kwabanjengalaba lakubo bonke abahlanganyela emsebenzini basebenze khona.

AbaseFiliphi 4:6

Lingakhathazeki kodwa ngazo zonke izikhathi bikani izicelo zenu kuNkulunkulu ngokukhuleka, ngokuncenga langokubonga.

1 uTimothi 6:8

Kodwa nxa silokudla lezigqoko kumele sisuthiseke ngalokho.

1 UPhethro 5:7

Yethulani kuye konke ukukhathazeka kwenu ngoba yena uyalikhathalela.