UmTshumayeli 2:13 - IBhayibhili Elingcwele LesiNdebele

¹³ Ngabona ukuhlakanipha kungcono kulobuwula, njengokukhanya kungcono kulomnyama.

iBhayibhili Elingcwele 1978

¹³ Ngasengibona ukuthi ukuhlakanipha kwedlula ubuthutha njengokukhanya kusedlula umnyama.

UmTshumayeli 2:13 ပူးပေါင်းရင်းမြစ်များ

AmaHubo 119:105

Ilizwi lakho liyisibane ezinyaweni zami liyikukhanya kwendlela yami.

AmaHubo 119:130

Ukwambulwa kwamazwi akho kuletha ukukhanya; kunika ukuzwisisa kwabayizithutha.

Izaga 14:8

Ukuhlakanipha kwabaqondayo yikuthi bayacabanga ngalokho abakwenzayo, kodwa ubuthutha beziwula buyinkohliso.

Izaga 16:16

Kungcono kangakanani ukuzuza ukuhlakanipha kulegolide, ukukhetha ukuzwisisa kulesiliva!

UmTshumayeli 10:10

Lapho ihloka libuthundu ubukhali balo bungalolwanga, kudingeka amandla amanengi kodwa ubungcitshi buyaphumelelisa.

UmTshumayeli 11:7

Ukukhanya kumnandi, njalo kuhle emehlweni ukubona ilanga.

UmTshumayeli 7:19

Ukuhlakanipha kwenza umuntu ohlakaniphileyo oyedwa abe lamandla kulababusi abalitshumi edolobheni.

UmTshumayeli 9:16

Yikho-ke ngasengisithi, “Ukuhlakanipha kungcono kulamandla.” Kodwa ukuhlakanipha komuntukazana kuyeyiswa lamazwi akhe akasanakwa.

UmTshumayeli 9:18

Ukuhlakanipha kungcono kulezikhali zempi, umoni oyedwa uyabuchitha bonke ubuhle.

UMalaki 3:18

Njalo lizawubona umahluko phakathi kwabalungileyo lababi, phakathi kwalabo abamkhonzayo uNkulunkulu lalabo abangamkhonziyo.”

UMatewu 6:23

Kodwa nxa amehlo akho engahlambulukanga umzimba wakho wonke uzagcwala ubumnyama. Nxa ukukhanya okungaphakathi kwakho kungumnyama, pho mkhulu kanganani lowomnyama!

Abase-Efesu 5:8

Ngoba lake laba yibumnyama kodwa khathesi seliyikukhanya eNkosini. Philani njengabantwana bokukhanya