UmTshumayeli 12:5 - IBhayibhili Elingcwele LesiNdebele

⁵ lapho abantu sebesesaba izindawo eziphakemeyo lezingozi emigwaqweni; lapho isihlahla se-alimondi sesiqhakaza lentethe isihamba ngokuzihudula nje njalo kungasekho ukulangazelela. Lapho-ke umuntu usesiya ekhaya lakhe laphakade njalo abalilayo bagcwale emigwaqweni.

iBhayibhili Elingcwele 1978

⁵ lapho abantu sebesesaba ukukhwela umqanso, sebesesaba lokuhamba, lapho isihlahla sesilempoko ezimhlophe, lentothoviyane isitotoba, lenhliziyo isimnyama. Ngoba umuntu usesiya ekhaya lakhe elingapheliyo, labalilayo sebezulazula endleleni.

UmTshumayeli 12:5 ပူးပေါင်းရင်းမြစ်များ

UGenesisi 42:38

Kodwa uJakhobe wathi, “Indodana yami kayiyikuhamba lani khonale; umnewabo sewafa, usenguye yedwa oseleyo. Nxa evelelwa ngokubi kuloluhambo lwenu lizakwenza ukuthi ikhanda lami eliyimpunga liye engcwabeni lidabukile.”

UGenesisi 44:29

Manje lingangithathela lalo futhi abesesehlelwa ngokubi, lizakwehlisela ikhanda lami eliyimpunga engcwabeni ngidabukile kakhulu.’

UGenesisi 44:31

uzakuthi angabona umfana engekho, ahle afe. Thina zinceku zakho sizakusa ikhanda likababa eliyimpunga engcwabeni lihlulukelwe.

UJobe 15:10

Asebezimpunga lamakhehla bavumelana lathi, amadoda amadala kuloyihlo.

UJobe 17:13

Nxa ikhaya engilithembileyo lilingcwaba kuphela, nxa ngisendlala umbheda wami emnyameni,

UJobe 30:23

Ngiyazi ukuthi uzangilalisa phansi ekufeni, endaweni emiselwe konke okuphilayo.

AmaHubo 71:18

Lokuba sengiluphele sengiyimpunga ungangideli, Oh Nkulunkulu, ngize ngifakaze ngamandla akho esizukulwaneni esizayo, amandla akho kubo bonke abalandelayo.

Izaga 16:31

Inwele ezimhlophe zingumqhele wobukhulu, zizuzwa ngempilo elungileyo.

Izaga 20:29

Udumo lwamajaha lusemandleni awo, izimvu zekhanda ziyinkazimulo yabadala.

UmTshumayeli 9:10

Lokho isandla sakho esingakwenza kwenze ngamandla akho wonke, ngoba engcwabeni lapho oya khona akusetshenzwa, akulakulungiselela, kakulalwazi kumbe ukuhlakanipha.

U-Isaya 46:4

Lasebudaleni benu, inwele zenu sezimhlophe, mina nginguye, nginguye ozaliqinisa. Sengilenzile njalo ngizalithwala; ngizaliqinisa ngilihlenge.

UJeremiya 1:11

Ilizwi likaThixo lafika kimi lathi, “Kuyini okubonayo, Jeremiya?” Ngaphendula ngathi, “Ngibona ugatsha lwesihlahla se-alimondi.”

UJeremiya 9:16

Ngizabahlakazela ezizweni bona kanye laboyise abangazange bazazi, njalo ngizabalandela ngenkemba ngize ngibaqede du.”

ULevi 19:32

Sukumelani asebeluphele, lihloniphe abantu abadala, limesabe uNkulunkulu wenu. Mina yimi uThixo.

AmaHebheru 9:27

Njengalokhu umuntu wamiselwa ukufa kanye, kuthi emva kwalokho abhekane lokwahlulelwa,