UmTshumayeli 11:5 - IBhayibhili Elingcwele LesiNdebele

⁵ Njengoba ungayazi indlela yomoya, loba ukubunjwa komzimba esiswini sikanina, yikho ungeke uzwisise umsebenzi kaNkulunkulu, uMenzi wezinto zonke.

iBhayibhili Elingcwele 1978

⁵ Njengoba ungazi ukuthi impilo iqalisa njani esiswini sowesifazana okhulelweyo, ngokunjalo kawazi ukuba uNkulunkulu owenza zonke izinto usebenza kanjani.

UmTshumayeli 11:5 ပူးပေါင်းရင်းမြစ်များ

UJobe 37:23

USomandla asingeke simfinyelele njalo uphakeme ulamandla; ekwahluleleni kwakhe okuhle lokulunga okukhulu kancindezeli.

UJobe 38:4

Wawungaphi lapho ngibeka izisekelo zomhlaba na? Ngitshela nxa uqedisisa.

UJobe 5:9

Uyazenza izimanga ezingelakulinganiswa, imimangaliso engelakubalwa.

AmaHubo 104:24

Minengi kanganani imisebenzi yakho, Oh Thixo! Zonke wazenza ngenhlakanipho; umhlaba ugcwele izidalwa zakho.

AmaHubo 40:5

Zinengi, Thixo, Nkulunkulu wami, izimangaliso ozenzileyo. Izinto owasilungiselela zona kakho ongazibala kuwe; aluba bengingakhuluma loba ngilandise ngazo, zingaba zinengi ngokweqileyo ukuzibalisa.

AmaHubo 92:5

Mikhulu kangaka imisebenzi yakho, Oh Thixo, izikile imicabango yakho!

UmTshumayeli 1:13

Ngazinikela ekufundeni lokudingisisa ngolwazi konke okwenziwayo ngaphansi kwezulu. Unzima kangakanani umthwalo uNkulunkulu awethese abantu!

UmTshumayeli 1:6

Umoya uphephethela eningizimu ujike uye enyakatho; uyabhoda, ubhode njalo ujinge ubuyela endleleni yawo.

UmTshumayeli 11:4

Lowo onanzelela umoya kayikuhlanyela; lowo okhangela amayezi akazukuvuna.

UmTshumayeli 3:10

Sengiwubonile umthwalo uNkulunkulu awethese abantu.

UmTshumayeli 3:11

Yonke into uyenze yabanhle ngesikhathi sayo. Wamupha umuntu iphakade enhliziyweni yakhe; kodwa abantu bangeke bafinyelele kulokho uNkulunkulu asakwenzayo kwasekuqaleni kusiya ekupheleni.

UmTshumayeli 7:24

Ukuhlakanipha okungabe kukhona, kukhatshana kakhulu njalo kuzikile kakhulu: ngubani ongakufinyelela na?

UmTshumayeli 8:17

ngasengibona konke uNkulunkulu akwenzileyo. Kakho ongaqedisisa okwenzakalayo ngaphansi kwelanga. Loba umuntu ohlakaniphileyo angazitshaya owaziyo, kodwa angeke akuqedisise.

U-Isaya 40:28

Kalazi yini? Kalizwanga na? UThixo unguNkulunkulu waphakade, uMdali wemikhawulo yomhlaba. Kayikudinwa kumbe akhathale, ukuqedisisa kwakhe kakho ongakulinganisa.

UJohane 3:8

Umoya uphephethela loba kungaphi lapho othanda khona. Ungakuzwa ukuvunguza kwawo, kodwa ungeke utsho ukuthi uvela ngaphi loba ukuthi uya ngaphi. Ngakho kunjalo emuntwini wonke ozelwe ngoMoya.”

AbaseRoma 11:33

Yeka ukuzika kwenotho yenhlakanipho kanye lokwazi kukaNkulunkulu! Yeka ukwahlulela kwakhe okungeke kuhlolwe, kanye lezindlela zakhe ezingeke zilandelwe!