UmTshumayeli 10:8 - IBhayibhili Elingcwele LesiNdebele

⁸ Lowo ogebha umgodi angawela kuwo; odiliza umduli angalunywa yinyoka.

iBhayibhili Elingcwele 1978

⁸ Lowo omba umgodi uzawela kuwo; lodiliza umthangala uzalunywa yinyoka.

UmTshumayeli 10:8 ပူးပေါင်းရင်းမြစ်များ

2 USamuyeli 17:23

Kwathi u-Ahithofeli ebona ukuthi iseluleko sakhe sasingalandelwanga, wabophela isihlalo kubabhemi wakhe wasuka waya endlini yakhe emzini wakibo. Walungisa indlu yakhe, wasezibophela. Ngakho wafa wangcwatshwa ethuneni likayise.

2 USamuyeli 18:15

Njalo abathwali bezikhali zikaJowabi bamhanqa u-Abhisalomu, bamtshaya bambulala.

U-Esta 7:10

Bamlengisa kuleyonsika ayeyilungisele ukulengisa uModekhayi. Ulaka lwenkosi lwaseludeda.

AmaHubo 57:6

Bangithiya ngamambule ezinyaweni ngaphela amandla ngokudabuka. Bangimbela igodi endleleni kodwa sebewele kulo bona.

Izaga 11:6

Ukulunga kwabaqondileyo kuyabakhulula, kodwa abangathembekanga bagwenxwa yizinkanuko zabo ezimbi.

Izaga 26:27

Umuntu angagebha umgodi, uzawela kuwo; umuntu angagiqa ilitshe, lizaphenduka ligiqikele phezu kwakhe.

UmTshumayeli 10:9

Oqhekeza amatshe angalinyazwa yiwo; obanda inkuni angaba sengozini yazo.

uAmosi 5:19

Kuzafana lokuthi umuntu ubalekele isilwane wahlangana lebhele, njengangathi ungene endlini yakhe wabambelela emdulini ngesandla waselunywa yinyoka.

uAmosi 9:3

Loba becatsha engqongweni yeKhameli, khonapho ngizabadinga ngibabambe. Loba bengicatshela enzikini yolwandle, khonapho ngizalaya inyoka ukuba ibalume.

Abahluleli 9:5

Waya emzini kayise e-Ofira kwathi abafowabo abangamatshumi ayisikhombisa, amadodana kaJerubhi-Bhali, wababulalela phezu kwedwala linye. Kodwa uJothamu, indodana encane kaJerubhi-Bhali waphepha ngokucatsha.