UMatewu 8:8 - IBhayibhili Elingcwele LesiNdebele

⁸ Induna yekhulu yaphendula yathi, “Kakungilingananga ukuthi ungeza ungene ngaphansi kophahla lwami. Kodwa tshono ilizwi nje kuphela, inceku yami izasila.

iBhayibhili Elingcwele 1978

⁸ Kodwa induna yekhulu yaphendula yathi: Nkosi, kangifanele ukuba ungene ngaphansi kophahla lwami; kodwa tshono ilizwi nje, inceku yami izakusiliswa.

UMatewu 8:8 ပူးပေါင်းရင်းမြစ်များ

UGenesisi 32:10

mina kangiwufanelanga wonke umusa lokuthembeka okutshengise inceku yakho. Ngangiphethe intonga yami zwi mhla ngichapha iJodani leli, kodwa khathesi sengingamaqembu amabili.

AmaHubo 10:17

Uyazizwa, Oh Thixo, izifiso zabancindezelweyo; uyabaqinisa, ulalele ukukhala kwabo,

AmaHubo 107:20

Wathumela ilizwi lakhe labasilisa; wabahlenga engcwabeni.

AmaHubo 33:9

Ngoba wakhuluma, kwahle kwaba khona; wayala, kwema kwaqina nko.

AmaNani 20:8

“Thatha intonga kuthi wena lomfowenu u-Aroni libizele abantu ndawonye. Khulumani elitsheni phambi kwabo ngakho lona lizakhupha amanzi alo. Lizathatha amanzi aphuma edwaleni liphe abantu ukuze banathe bona kanye lezifuyo zabo.”

UMatewu 3:11

Mina ngilibhaphathiza ngamanzi okutshengisa ukuphenduka. Kodwa ngemva kwami kuza olamandla kulami njalo kakungilingananga ukuthwala amanyathela akhe. Uzalibhaphathiza ngoMoya oNgcwele langomlilo.

UMatewu 3:14

Kodwa uJohane wazama ukwenqaba ngokuthi, “Yimi engidinga ukubhaphathizwa nguwe, kanti pho ungeza njani kimi?”

UMatewu 8:3

UJesu welula isandla sakhe wayithinta wathi, “Ngiyathanda, hlambuluka!” Masinyane nje yasila ebulepherweni bayo.

UMatewu 8:7

UJesu wathi kuyo, “Ngizakuza ngizeyisilisa.”

UMatewu 8:9

Ngoba mina ngokwami ngingumuntu ongaphansi komthetho, ngilamabutho angaphansi kwami. Lo ngimtshela ngithi, ‘Hamba,’ ahambe; ngithi kuloyana, ‘Buya,’ lakanye abuye. Ngithi encekwini yami, ‘Yenza lokhu,’ ikwenze.”

ULukha 15:19

Kangisafanelanga ukuthiwa ngiyindodana yakho; ngenza ngibe njengomunye wezinceku zakho.’

ULukha 15:21

Indodana yathi kuye, ‘Baba, ngenze isono phambi kwezulu lakuwe. Kangisafanelanga ukuthiwa ngiyindodana yakho.’

ULukha 5:8

Kwathi uSimoni Phethro ekubona lokhu wazilahla phansi phambi kukaJesu wathi, “Suka kimi, Nkosi; ngingumuntu oyisoni!”

UJohane 1:27

Nguye lowo ozayo ngemva kwami, mina engingafanelanga ukuthukulula imichilo yamanyathela akhe.”