UMatewu 8:4 - IBhayibhili Elingcwele LesiNdebele

⁴ UJesu wasesithi kuyo, “Zwana, ungatsheli muntu ngalokhu. Kodwa hamba uyeziveza kumphristi, unikele ngesipho esamiswa nguMosi njengobufakazi ebantwini.”

iBhayibhili Elingcwele 1978

⁴ UJesu wathi kuye: Khangela, ungatsheli muntu, kodwa hamba uziveze kumpristi, unikele umnikelo owalaywa nguMose, kube yibufakazi ebantwini.

UMatewu 8:4 ပူးပေါင်းရင်းမြစ်များ

U-Isaya 42:21

Kwamthokozisa uThixo ngenxa yokulunga kwakhe ukuba akhulise umthetho wakhe ube mkhulu njalo ulodumo.

ULevi 13:49

nxa lokhu kungcola kusesembathweni selembu, isikhumba, loba yini eyelukiweyo, loba ephothiweyo loba kuyini okwesikhumba, kubonakala kuluhlazana loba kubomvana, yibulephero; kufanele kutshengiswe umphristi.

UMatewu 10:18

Ngenxa yami lizamiswa phambi kwababusi lamakhosi ukuze libe ngofakazi kubo lakwabeZizwe.

UMatewu 16:20

Waseqonqosela abafundi bakhe ukuba bangatsheli muntu ukuthi wayenguKhristu.

UMatewu 17:9

Bathi sebesehla entabeni, uJesu wabalaya wathi, “Lingatsheli muntu ngalokhu elikubonileyo iNdodana yoMuntu ize ivuswe kwabafileyo.”

UMatewu 3:15

UJesu waphendula wathi, “Yekela kube njalo okwakhathesi ngoba kufanele ukuba sikwenze lokhu ukuze sigcwalise konke ukulunga.” Ngakho uJohane wasevuma.

UMatewu 5:17

“Lingacabangi ukuthi ngilande ukuzadiliza uMthetho kumbe abaPhrofethi. Kangilandanga ukuzediliza kodwa ukuzogcwalisisa.

UMatewu 6:1

“Qaphelani ukuthi lingenzi izenzo zokulunga phambi kwabantu ukuze balibone. Nxa lisenza njalo kaliyikuba lomvuzo ovela kuYihlo ezulwini.

UMatewu 9:30

zasiliswa zabona. UJesu waziqonqosela wathi, “Akungabi lomuntu ozakwazi ngalokhu.”

UMakho 13:9

Libohlala liqaphele. Bazalimangalela ezinkundleni zamacala njalo balibhaxabule emasinagogweni abo. Ngenxa yami lizamiswa phambi kwababusi lamakhosi libe ngofakazi kubo.

UMakho 3:12

Kodwa wayiqonqosela ukuthi ingaze yakhuluma ukuthi ungubani.

UMakho 5:43

Wabaqonqosela wathi bangazisi muntu ngalokho, wasesithi kabamuphe ukudla untombazana.

UMakho 6:11

Nxa indawo ethile ingalamukeli loba ingalilaleli, dlulani kuleyondawo lithintithe uthuli ezinyaweni zenu kube yibufakazi bokubalahla.”

UMakho 7:36

UJesu wabaqonqosela ukuthi bangatsheli muntu. Kodwa wathi ngokwenza njalo baqhubeka ngamandla befakaza ngakho.

UMakho 8:30

UJesu wabaqonqosela ukuthi bangatsheli muntu ngaye.

UMakho 9:9

Bathi sebesehla entabeni uJesu wabanika imilayo yokuthi bangatsheli muntu ngabakubonileyo iNdodana yoMuntu ize iqale ivuke kwabafileyo.

ULukha 17:14

Wathi ewabona wathi kuwo, “Hambani liyoziveza kubaphristi.” Athi esahamba ahlambuluka.

ULukha 21:13

Lokhu kuzalenza libe ngofakazi kimi.

ULukha 4:41

Phezu kwalokho amadimoni aphuma kwabanengi ememeza esithi, “Wena uyiNdodana kaNkulunkulu!” Kodwa wawakhuza kazawavumela ukuthi akhulume ngoba ayemazi ukuthi unguKhristu.

ULukha 5:14

UJesu waseyilaya wathi, “Ungatsheli muntu kodwa hamba uyeziveza kumphristi ubusunikela umhlatshelo wokuhlanjululwa kwakho owamiswa nguMosi ukuze kube yibufakazi kubo.”

ULukha 8:56

Abazali bakhe bamangala, kodwa wabalaya ukuthi bangatsheli muntu ngalokho okwakwenzakele.

ULukha 9:21

UJesu wabaqonqosela ukuthi lokhu bangakutsheli muntu.

UJohane 5:41

Kangilwamukeli udumo olusuka ebantwini,

UJohane 7:18

Lowo ozikhulumelayo wenzela ukuzizuzela udumo, kodwa lowo osebenzela udumo lwalowo omthumileyo ngumuntu weqiniso; kakulankohliso kuye.

UJohane 8:50

Kangizidingeli udumo mina kodwa ukhona olufunayo, yena ungumahluleli.