UMatewu 7:24 - IBhayibhili Elingcwele LesiNdebele

²⁴ “Ngakho lowo owezwayo amazwi ami la awenze unjengendoda ehlakaniphileyo eyakhela indlu yayo edwaleni.

iBhayibhili Elingcwele 1978

²⁴ Ngakho ilowo lalowo owezwayo lamazwi ami, awenze, ngizakumfanisa lendoda ehlakaniphileyo eyakha indlu yayo phezu kwedwala.

UMatewu 7:24 ပူးပေါင်းရင်းမြစ်များ

UJobe 28:28

Wathi emuntwini, “Ukumesaba uThixo yikho ukuhlakanipha, lokuxwaya ububi yikho ukuzwisisa.”

AmaHubo 111:10

Ukumesaba uThixo kuyikuqala kwenhlakanipho bonke abalandela iziqondiso zakhe balokuzwisisa okuhle. Kungokwakhe ukudunyiswa kwaphakade.

AmaHubo 119:130

Ukwambulwa kwamazwi akho kuletha ukukhanya; kunika ukuzwisisa kwabayizithutha.

AmaHubo 119:99

Ngicacile ukuqedisisa kwami kulabafundisi bami, ngoba ngiyanakana ngezimiso zakho.

Izaga 10:25

Nxa isiphepho sesikhukhule sedlula, ababi sebedlule, kodwa abalungileyo bagxilile lanini.

Izaga 10:8

Abahlakaniphileyo enhliziyweni bayalalela izeluleko, kodwa isiphukuphuku esivala ngomsindo siyadilika.

Izaga 12:7

Abantu ababi bayachithwa bangabe besaba khona, kodwa indlu yolungileyo imi izinzile.

Izaga 14:8

Ukuhlakanipha kwabaqondayo yikuthi bayacabanga ngalokho abakwenzayo, kodwa ubuthutha beziwula buyinkohliso.

UMatewu 12:50

Loba ngubani owenza intando kaBaba osezulwini ungumfowethu, ungudadewethu njalo ngumama.”

UMatewu 16:18

Ngakho ngiyakutshela ukuthi unguPhethro njalo phezu kwalelidwala ngizakwakha ibandla lami, futhi amasango eHadesi akayikulehlula.

UMatewu 24:45

Ngubani kambe oyinceku ethembekileyo lehlakaniphileyo umninimuzi ayibeke esikhundleni sokukhangela izisebenzi zalapha ekhaya ukuthi azinike ukudla kwazo ngesikhathi esifaneleyo?

UMatewu 25:2

Ezinhlanu zazo zaziyiziwula, ezinhlanu zihlakaniphile.

UMatewu 25:4

Kodwa ezihlakaniphileyo zathwala imbodlela zamafutha kanye lezibane zazo.

UMatewu 25:9

Zaphendula ezihlakaniphileyo zathi, ‘Hatshi, kakulamafutha angasanela thina lani. Hambani liye kulabo abathengisa amafutha liyezithengela awenu.’

UMatewu 7:25

Latheleka izulu, izifula zagcwala, wavunguza umoya watshaya phezu kwaleyondlu; kodwa kayiwanga ngoba yayigxiliswe isisekelo sayo edwaleni.

UMatewu 7:26

Kodwa lowo owezwayo amazwi ami la angawenzi unjengendoda eyisiwula eyakhela indlu yayo etshebetshebeni.

ULukha 11:28

Waphendula wathi, “Kungenani, ababusisiweyo yilabo abalizwayo ilizwi likaNkulunkulu baliphile.”

UJohane 13:17

Lingaze lizazi lezizinto lizabusiswa nxa lizenza.”

UJohane 14:15

“Nxa lingithanda, gcinani imilayo yami.

UJohane 15:10

Nxa ligcina imilayo yami, lizahlala lisethandweni lwami, njengoba lami ngilalele imilayo kaBaba ngihlala ngisethandweni lwakhe.

UJohane 15:14

Lingabangane bami nxa lisenza lokho engililaya khona.

AbaseRoma 2:13

Ngoba akusilabo abezwa umthetho abalungileyo emehlweni kaNkulunkulu, kodwa yilabo abalalela umthetho okuzathiwa balungile.

1 UJohane 2:3

Siba leqiniso ukuthi siyamazi nxa silalela imilayo yakhe.