UMatewu 6:28 - IBhayibhili Elingcwele LesiNdebele

²⁸ Kanti lizihluphelani ngezigqoko na? Ake libone ukuthi amaluba eganga akhula njani. Kawasebenzi njalo aweluki.

iBhayibhili Elingcwele 1978

²⁸ Langezambatho liphisekelani na? Qaphelisani imiduze yeganga ukuthi ikhula kanjani; kayiphothi kayaluki;

UMatewu 6:28 ပူးပေါင်းရင်းမြစ်များ

UHosiya 14:5

Ngizakuba njengamazolo ku-Israyeli; uzaqhakaza njengeluba. Uzatshonisa impande zakhe phansi njengomsedari waseLebhanoni;

UMatewu 10:10

lingathwali izikhwama ekuhambeni kwenu loba isigqoko sokuntshintsha, loba amanye amanyathela kumbe olunye udondolo ngoba osebenzayo kufanele aphiwe okokuziphilisa.

UMatewu 6:25

“Ngakho ngiyalitshela ukuthi lingakhathazeki ngokuphila kwenu, ukuthi lizakudlani loba lizanathani; kumbe ngemizimba yenu, ukuthi lizagqokani. Impilo kayiqakathekanga ukwedlula ukudla na, lomzimba ukwedlula izigqoko na?

UMatewu 6:27

Ngubani kini othi ngokukhathazeka angezelele ihola elilodwa empilweni yakhe na?

UMatewu 6:31

Ngakho lingazihluphi lisithi, ‘Sizakudlani?’ kumbe ‘Sizanathani?’ loba ‘Sizavunulani na?’

ULukha 10:41

INkosi yaphendula yathi, “Matha, Matha, uhlutshwa njalo ukhathazeke ngezinto ezinengi,

ULukha 12:11

Nxa limiswa phambi kwamasinagogu, phambi kwababusi labaphathi, lingazihluphi ngokuthi lizazivikela lisithini kumbe ukuthi lizakuthini,

ULukha 12:22

UJesu wasesithi kubafundi bakhe: “Ngakho ngilitshela ukuthi lingakhathazeki ngokuphila kwenu, ukuthi lizakudlani kumbe ngomzimba wenu, ukuthi lizagqokani.

ULukha 12:27

Ake libone ukuthi amaluba eganga akhula njani. Kawasebenzi njalo aweluki. Kodwa ngilitshela ukuthi laye uSolomoni ekucwebezeleni kwakhe kazange acece njengawo.

ULukha 3:11

UJohane waphendula wathi, “Leyondoda elamajazi amabili kayimuphe ongelalo elinye lalowo olokudla kenze njalo.”

AbaseFiliphi 4:6

Lingakhathazeki kodwa ngazo zonke izikhathi bikani izicelo zenu kuNkulunkulu ngokukhuleka, ngokuncenga langokubonga.

1 UPhethro 5:7

Yethulani kuye konke ukukhathazeka kwenu ngoba yena uyalikhathalela.