UMatewu 24:19 - IBhayibhili Elingcwele LesiNdebele

¹⁹ Yeka ubulukhuni obuzakuba khona ngalezonsuku kwabesifazane abakhulelweyo labangabadlezane!

iBhayibhili Elingcwele 1978

¹⁹ Maye kwabakhulelweyo labamunyisayo ngalezonsuku!

UMatewu 24:19 ပူးပေါင်းရင်းမြစ်များ

2 USamuyeli 4:4

(UJonathani indodana kaSawuli wayelendodana eyayiqhula inyawo zombili. Yayileminyaka emihlanu ubudala bayo ekufikeni kombiko ngoSawuli loJonathani uvela eJezerili. Umlizane wayo wayiphakamisa wabaleka, kodwa wathi ephanga ukusuka yawela phansi yagogeka. Ibizo layo lalinguMefibhoshethi.)

2 AmaKhosi 15:16

Ngalesosikhathi uMenahemu, wathi esuka eThiza wahlasela uThifisa laye wonke umuntu owatholakala esedolobheni lababeseduzane lalo, ngoba bala ukuvula amasango abo. Wasuka uThifisa waqhaqha wonke amanina ayezithwele.

Izililo 4:10

Ngezandla zabo abesifazane abalesihelo, bapheke abantwababo, babenza ukudla kwabo ngesikhathi abantu bakithi bebulawa.

UHosiya 13:16

Abantu baseSamariya kuzamela balithwale icala labo, ngoba bamhlamukele uNkulunkulu wabo. Bazabulawa ngenkemba; insane zabo zizasakazelwa phansi, abesifazane babo abazithweleyo baqhaqhwe.”

UMatewu 21:16

Bambuza bathi, “Uyabezwa nje abantwana laba ukuthi bathini?” Waphendula uJesu wathi, “Yebo, kalikaze lifunde ukuthi, ‘Ezindebeni zabantwana lensane wena Nkosi uyimisile indumiso’?”

UMatewu 24:18

Lowo osemasimini kangabuyeli ngekhaya ukuyathatha ijazi lakhe.

UMatewu 24:20

Khulekelani ukuba ukuphaphatheka kwenu kungabi sebusika loba ngeSabatha.

ULukha 21:23

Yeka ubulukhuni obuzakuba khona ngalezonsuku kwabesifazane abakhulelweyo labangabadlezane! Kuzakuba khona ukuhlukuluzeka okukhulu elizweni lolaka phezu kwabantu.