UMatewu 12:7 - IBhayibhili Elingcwele LesiNdebele

⁷ Kube lalikwazile ukuthi amazwi la atshoni, ‘Ngifuna isihawu hatshi umhlatshelo’ belingasoze libalahle abangelacala.

iBhayibhili Elingcwele 1978

⁷ Aluba belisazi ukuba kutsho ukuthini ukuthi: Ngifuna isihawu kulomhlatshelo; ngabe kalibalahlanga labo abangelacala.

UMatewu 12:7 ပူးပေါင်းရင်းမြစ်များ

UJobe 32:3

Wayebazondele njalo labangane labo bobathathu ngoba babengayitholanga indlela yokuphikisa uJobe kodwa bemlahlile ngokumsola.

AmaHubo 109:31

Ngoba umi ngakwesokunene salowo oswelayo, ukusindisa impilo yakhe kulabo abamnikela ekufeni.

AmaHubo 94:21

Bayahlangana ukumelana labalungileyo ongelacala agwetshelwe ukufa.

Izaga 17:15

Ukukhulula olecala lokugweba omsulwa uThixo uyakuzonda kokubili.

UHosiya 6:6

Ngoba mina ngifuna isihawu, hatshi umhlatshelo, lokwamukela uNkulunkulu kuleminikelo yokutshiswa.

UMatewu 22:29

UJesu waphendula wathi, “Liyalahleka ngoba kaliyazi imibhalo lamandla kaNkulunkulu.

UMatewu 9:13

Kodwa hambani liyefunda ukuthi kutshoni lokhu ukuthi, ‘Ngoba ngifuna isihawu hatshi umhlatshelo.’ Ngoba kangilandanga ukubiza abalungileyo, kodwa izoni.”

UMakho 12:33

Ukumthanda ngenhliziyo yakho yonke, ngokuzwisisa konke kwakho langamandla akho wonke, lokuthanda umakhelwane wakho njengoba uzithanda wena kuqakathekile kulayo yonke iminikelo yokutshiswa lemihlatshelo.”

Imisebenzi 13:27

Abantu baseJerusalema kanye lababusi babo kabamamukelanga uJesu, ikanti kwathi ngokumlahla bagcwalisa amazwi abaphrofethi afundwayo ngamaSabatha wonke.

UJakhobe 5:6

Libagwebile lababulala abantu abamsulwa, ababengamelani lani.

UJoshuwa 5:5

Bonke abantu abaphumayo babesokiwe, kodwa bonke abantu ababezalelwe enkangala phakathi kohambo lokusuka eGibhithe babengasokwanga.

1 USamuyeli 15:22

Kodwa uSamuyeli waphendula wathi: “Kambe uThixo uthokozela iminikelo yokutshiswa lemihlatshelo ngokunjengokulalela ilizwi likaThixo na? Ukulalela kungcono kulomhlatshelo, lokukhathalela kungcono kulamahwahwa enqama.