UMalaki 1:6 - IBhayibhili Elingcwele LesiNdebele

⁶ “Indodana iyamesaba uyise, lenceku iyayesaba inkosi yayo. Aluba nginguyihlo kungaphi pho ukwesatshwa kwami? Aluba ngiyinkosi kungaphi ukuhlonitshwa kwami na?” kutsho uThixo uSomandla. “Yini, hawu baphristi, eleyisa ibizo lami. Kodwa lingabuza lithi, ‘Sileyise ngani ibizo lakho?’

iBhayibhili Elingcwele 1978

⁶ INkosi yamabandla ithi kubapristi: Indodana iyamhlonipha uyise, lenceku iyayihlonipha inkosi yayo. Uba mina nginguyihlo, kungaphi ukuhlonitshwa kwami na? Uba ngiyinkosi, kungaphi ukwesatshwa kwami na? Lina, bapristi, liyalidelela ibizo lami, kodwa lithi: Silidelele kanjani ibizo lakho na?

UMalaki 1:6 ပူးပေါင်းရင်းမြစ်များ

AmaHubo 123:2

Njengalokhu amehlo ezisebenzi ekhangela isandla somqatshi wazo, lanjengoba amehlo encekukazi ekhangela isandla senkosikazi yayo, kanjalo amehlo ethu akhangela kuThixo uNkulunkulu wethu, aze abe lomusa kithi.

U-Eksodasi 20:12

Hlonipha uyihlo lonyoko ukuze impilo yakho ibende elizweni akunika lona uThixo uNkulunkulu wakho.

Izaga 17:6

Abazukulu bangumqhele wabalupheleyo, njalo labantwana baziqhenya ngabazali babo.

Izaga 30:11

Bakhona abathuka oyise, abangababusisiyo onina;

Izaga 30:17

Ilihlo elihleka uyise, elidelela ukulalela unina, lizakotsholwa ngamawabayi asesigodini, lizadliwa ngamanqe.

U-Isaya 1:2

Zwanini, mazulu! Lalelani, mhlaba! Ngoba uThixo usekhulumile: “Ngondla abantwana ngabakhulisa, kodwa sebengihlamukele.

U-Isaya 43:23

Kawungilethelanga izimvu zomnikelo wokutshiswa, kumbe wangidumisa ngemihlatshelo yakho. Angikuhluphanga ngeminikelo yamabele kumbe ngakudinisa ngokufuna impepha.

U-Isaya 45:10

Maye kulowo othi kuyise, ‘Kuyini owakuzalayo?’ loba athi kunina, ‘Kuyini owakubelethayo?’

U-Isaya 64:7

Kakho okhuleka ebizweni lakho lozamayo ukubambelela kuwe, ngoba ubuso bakho ubufihlile kithi wasenza sacikizeka ngenxa yezono zethu.

U-Isaya 64:8

Ikanti wena Thixo unguBaba wethu. Thina silibumba, wena ungumbumbi; sonke singumsebenzi wezandla zakho.

UJeremiya 23:11

“Umphrofethi lomphristi kabakholwa kunkulunkulu; lasethempelini lami ngiyabufumana ububi babo,” kutsho uThixo.

UJeremiya 3:4

Kawungibizanga khathesi nje wathi, ‘Baba, mngane wami kusukela ebutsheni bami,

UJeremiya 31:9

Bazabuya bekhala; bazakhuleka lapho ngibabuyisa. Ngizabaholela ezihotsheni zamanzi endleleni eyendlalekileyo lapho abangayikukhubeka khona, ngoba nginguyise ka-Israyeli, njalo u-Efrayimi yindodana yami elizibulo.

UJeremiya 35:16

Inzalo kaJehonadabi indodana kaRekhabi iwulandele umlayo eyawuphiwa ngukhokho wayo, kodwa abantu laba mina kabangilalelanga.’

UHezekhiyeli 22:26

Abaphristi balo bephula umthetho wami njalo bahlambaza lezinto zami ezingcwele; kabehlukanisi phakathi kokungcwele okujayelekileyo; bafundisa besithi akulamehluko phakathi kokungcolileyo lokungangcolanga; njalo bavala amehlo abo ekugcineni amaSabatha ami, okwenza ngithukwe phakathi kwabo.

UHosiya 12:8

U-Efrayimi uyazincoma esithi, “Nginothe kakhulu; sengiyisipatsha. Ngenotho yami kabayikufumana ububi loba isono kimi.”

UHosiya 4:6

abantu bami bachithwa yikungabi lolwazi. Njengoba likwalile ukwazi, lami ngiyalala njengabaphristi bami; ngoba kaliwunakanga umthetho kaNkulunkulu wenu, lami angiyikubanaka abantwana benu.

UHosiya 5:1

“Zwanini lokhu, lina baphristi! Lalelani, lina bako-Israyeli. Lalela, wena ndlu yobukhosi! Ukwahlulela lokhu kumelane lani: Kade lingumjibila eMizipha, umambule owendlalwe eThabhori.

ULevi 19:3

Ngulowo lalowo kini kahloniphe unina loyise, njalo kumele ligcine amaSabatha ami. Mina nginguThixo uNkulunkulu wenu.

UZefaniya 3:4

Abaphrofethi balo bayazazisa; bangabantu bamacebo amabi. Abaphristi balo bangcolisa indawo engcwele bephule lomthetho.

UMalaki 2:1

“Manje-ke nanku owenu umlayo, lina baphristi.

UMalaki 2:10

KasilaBaba munye thina sonke na? Kasidalwanga nguNkulunkulu munye na? Pho singcoliselani isivumelwano sabokhokho bethu na ngokungathembani thina ngokwethu?

UMalaki 2:8

Kodwa seliphambukile endleleni, kwathi njalo ngokufundisa kwenu lenza abanengi bakhubeka; lisephule isivumelwano loLevi,” kutsho uThixo uSomandla.

UMalaki 3:5

“Ngakho ngizasondela kini ukuzakwahlulela. Ngizaphangisa ukufakaza okubi ngezangoma, ngeziphingi, labafungela amanga, lalabo abadlelezela izisebenzi ngomholo wazo, labo abancindezela abafelokazi lezintandane, abangahluleli kuhle abezizweni, kodwa abangangesabiyo mina,” kutsho uThixo uSomandla.

UMatewu 15:4

Phela uNkulunkulu wathi, ‘Hlonipha uyihlo lonyoko’ njalo ‘Lowo othuka uyise loba unina ufanele ukubulawa.’

UMatewu 15:6

akasamelanga ahloniphe uyise lonina ngakho. Ngaleyondlela lichitha ilizwi likaNkulunkulu ngenxa yesiko lenu.

UMatewu 19:19

hlonipha uyihlo lonyoko,’ njalo ‘thanda umakhelwane wakho njengoba uzithanda wena.’”

UMatewu 6:9

“Kumele likhuleke kanje: ‘Baba wethu osezulwini, kalidunyiswe ibizo lakho,

UMatewu 7:21

“Kakusibo bonke abathi kimi, ‘Nkosi, Nkosi’ abazangena embusweni wezulu, kodwa ngulowo kuphela owenza intando kaBaba osezulwini.

UMakho 10:19

Uyayazi imilayo: ‘Ungabulali, ungafebi, ungebi, ungaphi ubufakazi bamanga, ungadlelezeli, hlonipha uyihlo lonyoko.’”

UMakho 7:10

Phela uMosi wathi, ‘Hlonipha uyihlo lonyoko’ njalo, ‘Lowo othuka uyise loba unina kumele abulawe.’

ULukha 10:29

Kodwa wayefuna ukuzigeza, wasebuza kuJesu, wathi, “Kanti ngubani ongumakhelwana wami na?”

ULukha 18:20

Uyayazi imilayo: ‘Ungafebi, ungabulali muntu, ungebi, ungaphi ubufakazi bamanga, hlonipha uyihlo lonyoko.’”

ULukha 6:36

Wobani lesihawu njengoYihlo olesihawu.”

ULukha 6:46

“Kungani lingibiza lisithi, ‘Nkosi, Nkosi,’ kodwa lingakwenzi engikutshoyo?

Abase-Efesu 6:2

“Hlonipha uyihlo lonyoko,” okungumlayo wakuqala olesithembiso,

UDutheronomi 1:31

njalo lasenkangala. Khonale lazibonela ukuthi uThixo uNkulunkulu wenu walithwala, njengobaba ethwala indodana yakhe, uhambo lwenu lonke laze lafika lapha.’

UDutheronomi 32:6

Yiyonale na indlela yokubonga kwenu uThixo, lina ziwula zabantu abangelakuhlakanipha? KasuYihlo, uMdali wenu, owalenzayo njalo owalibumbayo na?

UDutheronomi 5:16

Hlonipha uyihlo lonyoko, njengokulaywa nguThixo uNkulunkulu wakho, ukuze impilo yakho ibende lokuthi kukulungele elizweni uThixo uNkulunkulu wakho akunika lona.

1 UPhethro 1:17

Njengoba likhuleka kuYihlo owahlulela imisebenzi yomuntu ngamunye kungekho bandlululo, philani impilo yenu lapha njengezihambi ngokuhlonipha.