UMakho 4:3 - IBhayibhili Elingcwele LesiNdebele

³ “Lalelani! Umlimi waphuma wayahlanyela inhlanyelo yakhe.

iBhayibhili Elingcwele 1978

³ Lalelani; kwaphuma umhlanyeli ukuyahlanyela.

UMakho 4:3 ပူးပေါင်းရင်းမြစ်များ

AmaHubo 34:11

Wozani, bantwabami, lalelani kimi; ngizalifundisa ukumesaba uThixo.

AmaHubo 45:10

Lalela, ndodakazi, nanzelela uvule indlebe; khohlwa abakini, lendlu yakwenu.

Izaga 7:24

Ngakho-ke madodana ami, ngilalelani; zwanini lokhu engikutshoyo.

Izaga 8:32

Ngakho-ke, madodana ami, ngilalelani; babusisekile labo abalondoloza izindlela zami.

UmTshumayeli 11:6

Hlanyela inhlanyelo yakho ekuseni, kuthi ntambama uphumuze izandla zakho, ngoba kawukwazi okuzaphumelela, kumbe yilokhu loba yilokhuyana, langabe kokubili kuzalunga ngokufananayo.

U-Isaya 46:12

Ngilalelani lina elilezinhliziyo ezilukhuni, lina elikhatshana lokulunga.

U-Isaya 46:3

“Ngilalela wena ndlu kaJakhobe, lonke lina eliseleyo abendlu ka-Israyeli, lina engalisekelayo selokhu lemulwayo, ngalithwala selokhu lazalwayo.

UMatewu 13:24

UJesu wabatshela omunye umzekeliso wathi, “Umbuso wezulu unjengomuntu owahlanyela inhlanyelo enhle ensimini yakhe.

UMatewu 13:26

Kwathi ingqoloyi isikhahlele yabumba izikhwebu, ukhula lalo lwavela.

UMatewu 13:3

Wasebatshela izinto ezinengi esebenzisa imizekeliso, wathi, “Umlimi waphuma wayahlanyela inhlanyelo yakhe.

UMakho 4:14

Umlimi uhlanyela ilizwi.

UMakho 4:2

Wabafundisa izinto ezinengi ngemizekeliso, ekufundiseni kwakhe wathi:

UMakho 4:23

Nxa ekhona olendlebe zokuzwa kezwe.”

UMakho 4:4

Kwathi eyihaza inhlanyelo, enye yawela endleleni, kwafika izinyoni zayidobha.

UMakho 4:9

UJesu wasesithi, “Lowo olendlebe zokuzwa kezwe.”

Imisebenzi 2:14

UPhethro wasesukuma labalitshumi lanye, waphakamisa ilizwi lakhe wakhuluma emphakathini wathi, “Bantu bakithi elingamaJuda, lani lonke eliseJerusalema, kahleni ngilichasisele lokhu; lalelisisani lokhu engikutshoyo.

UDutheronomi 4:1

“Zwana-ke khathesi, Oh Israyeli, izimiso lemithetho engizalifundisa yona. Ilandeleni ukuze liphile njalo libe lakho ukuyalithatha lelolizwe uThixo uNkulunkulu wabokhokho benu alinika lona.

UJakhobe 2:5

Lalelani, bazalwane bami abathandekayo: Kanti uNkulunkulu kabakhethanga yini labo abangabayanga emehlweni omhlaba ukuba babengabanothileyo ekukholweni kanye lokudla ilifa lombuso awuthembisa labo abamthandayo na?

Isambulo 2:11

Lowo olendlebe, akezwe okutshiwo nguMoya emabandleni. Lowo onqobayo kasoze alinyazwe lakancane yikufa kwesibili.”

Isambulo 2:29

Lowo olendlebe, akezwe okutshiwo nguMoya emabandleni.”

Isambulo 2:7

Lowo olendlebe, akezwe okutshiwo nguMoya emabandleni. Lowo onqobayo ngizamnika ilungelo lokudla esihlahleni sokuphila esisepharadise kaNkulunkulu.”