UJoweli 2:7 - IBhayibhili Elingcwele LesiNdebele

⁷ Bahlasela njengamaqhawe; bakhwele imiduli njengamabutho. Bonke bahamba beludwendwe bengaphambuki endleleni yabo.

iBhayibhili Elingcwele 1978

⁷ Bayahlasela njengamaqhawe, bakhwele imiduli njengamadoda empi, baqhubekele phambili bonke bengaphambuki endleleni zabo.

UJoweli 2:7 ပူးပေါင်းရင်းမြစ်များ

2 USamuyeli 1:23

USawuli loJonathani, ekuphileni babethandeka bengababukekayo, lekufeni kabehlukaniswanga. Babelesiqubu kulengqungqulu, belamandla kulezilwane.

2 USamuyeli 5:8

Ngalolosuku uDavida wathi, “Lowo onqoba amaJebusi kuzamele asebenzise umgelo wamanzi ukuba afinyelele ‘abaqhulayo leziphofu’ labo abayizitha zikaDavida.” Yikho-nje besithi, “Iziphofu labaqhulayo” kabayikungena esigodlweni.

1 ImiLando 12:36

amadoda ayevela ko-Asheri, amabutho ayevele ekwejayele ukulwa empini njalo ezimisele ukulwa, ayezinkulungwane ezingamatshumi amane (40,000);

UJobe 16:14

Ungisukela njalonjalo; angidumele njengebutho.

AmaHubo 19:5

Lona linjengomyeni ephuma exhibeni lakhe, njengentshantshu ethakazelela ukugijima ibanga layo.

Izaga 30:27

izintethe kazilankosi, kodwa zihamba ziludibi olwesabekayo;

UJeremiya 5:10

Ngenani lidabule phakathi kwezivini zaso lizidlwengule, kodwa lingazitshabalalisi ngokupheleleyo. Phundlani ingatsha zalo, ngoba abantu laba kabasibo bakaThixo.

UJoweli 2:8

Kabasunduzani; lowo lalowo uhamba eqonde phambili. Badabula phakathi kwezivikelo kungekho kwehlukana kubo.

UJoweli 2:9

Baya ngesiqubu edolobheni; bagijima besekele umduli. Bayakhwela bangene ezindlini; bangena ngamawindi njengamasela.