UJoweli 2:20 - IBhayibhili Elingcwele LesiNdebele

²⁰ Ibutho lasenyakatho ngizalixotshela khatshana lani, ngilifuqele elizweni elomileyo elilugwadule, amaviyo alo aphambili esiya olwandle lwasempumalanga lawo angemuva esiya olwandle lwasentshonalanga. Iphunga lalo elibi lizakuya phezulu, umnuko walo uzaphakama.” Ngempela wenze izinto ezinkulu ezimangalisayo.

iBhayibhili Elingcwele 1978

²⁰ Ngizasusela khatshana lani impi evela enyakatho, ngiyixotshele elizweni elomileyo leliyinkangala, uphondo lwayo ngiluxotshele olwandle lwasempumalanga, lomsila wayo olwandle lwasentshonalanga; kuvele ezidunjini zayo ivumba elibi, ngoba yenzile izinto ezinkulu.

UJoweli 2:20 ပူးပေါင်းရင်းမြစ်များ

2 AmaKhosi 8:13

UHazayeli wathi, “Kambe inceku yakho, yona iyinja ngokwayo, ingasanelisa njani isiga esingako?” U-Elisha waphendula wathi, “UThixo ungitshengisile ukuthi wena uzakuba yinkosi yase-Aramu.”

AmaHubo 126:3

UThixo usenzele izinto ezimangalisayo, ngakho siyathokoza kakhulu.

U-Eksodasi 10:19

UThixo wasewuguqula umoya waphephetha uvelela entshonalanga ulamandla. Wazidudula izintethe wazitshovela oLwandle Olubomvu. Akusalanga ntethe layinye loba ngaphi eGibhithe.

U-Eksodasi 8:14

Bawabuthelela aba zinqwabanqwaba; ilizwe lonke lanuka phu ngamaxoxo.

U-Isaya 34:3

Ababuleweyo bakibo bazaphoselwa ngaphandle, izidumbu zabo zizanuka; izintaba zizacwila egazini labo.

UHezekhiyeli 47:18

Empumalanga umngcele uzahamba phakathi kweHawurani leDamaseko, ulandela iJodani phakathi kweGiliyadi lelizwe lako-Israyeli, uye elwandle lwasempumalanga uze uyefika eThamari. Lo uzakuba ngumngcele wasempumalanga.

uAmosi 4:10

“Ngathumela izifo phakathi kwenu njengengakwenza kweleGibhithe. Ngabulala izinsizwa zenu ngenkemba ndawonye lamabhiza enu athunjwayo. Ngavimbanisa amakhala enu ngomnuko wezihonqo zenu, kodwa kalibuyelanga kimi,” kutsho uThixo.

UZakhariya 14:8

Ngalolosuku amanzi aphilisayo azageleza esuka eJerusalema, ingxenye iyethela olwandle lwempumalanga kuthi eyinye ithele entshonalanga, ehlobo kanye lebusika.

UMalaki 3:11

Ngizaxotsha izibungu ukuze zingadli amabele enu, lamavini emasimini enu kawayikukhithiza izithelo zawo,” kutsho uThixo uSomandla.

UDutheronomi 11:24

Yonke indawo elizanyathela kuyo izakuba ngeyenu: umhlaba wenu uzaqhela ukusuka enkangala usiya eLebhanoni, kusuka emfuleni iYufrathe kusiya olwandle olusentshonalanga.