UJoweli 1:14 - IBhayibhili Elingcwele LesiNdebele

¹⁴ Memezelani ukuzila okungcwele; bizani ibandla elingcwele. Memani abadala labo bonke abahlala elizweni, baye endlini kaThixo uNkulunkulu wenu, likhale kuThixo.

iBhayibhili Elingcwele 1978

¹⁴ Zilani ukudla, lenze inkonzo enkulu lina badala, buthanisani bonke abakhileyo elizweni, endlini yeNkosi uNkulunkulu wenu, likhuleke kuyo.

UJoweli 1:14 ပူးပေါင်းရင်းမြစ်များ

2 AmaKhosi 10:20

UJehu wasesithi, “Bizani umhlangano wokudumisa uBhali.” Basebewumemezela.

2 ImiLando 20:13

Wonke amadoda akoJuda, labomkabo labantwabawo lensane, bema lapho phambi kukaThixo.

UNehemiya 8:18

Insuku ngensuku, kusukela kolokuqala kusiya kolokucina, u-Ezra wayebala eNcwadini yoMthetho kaNkulunkulu. Bawuthakazelela lowo mkhosi okwensuku eziyisikhombisa, kwathi ngosuku lwesificaminwembili, kwabakhona umhlangano omkhulu, njengokumisiweyo emthethweni.

U-Esta 4:16

“Hamba uyebuthanisa ndawonye wonke amaJuda aseSusa, lingizilele ukudla. Lingaze ladla loba ukunatha okwensuku ezintathu, ebusuku lemini. Mina kanye lezincekukazi zami sizazila njengani. Nxa lokhu sekwenziwe, ngizakuya enkosini loba nje lokho kungekho emthethweni. Nxa ngisifa, ngiyabe ngifile.”

UJeremiya 14:2

“UJuda uyalila, amadolobho akhe ayahlupheka; alilela ilizwe, njalo isililo siyaqonga sivela eJerusalema.

UJeremiya 36:9

Ngenyanga yesificamunwemunye yomnyaka wesihlanu kaJehoyakhimi indodana kaJosiya inkosi yakoJuda, kwamenyezelwa isikhathi sokuzila ukudla phambi kukaThixo ebantwini bonke baseJerusalema lakulaba ababeze bevela emadolobheni akoJuda.

UJoweli 1:2

Zwanini lokhu, lina badala; lalelani lonke lina elihlala elizweni. Into enjengale seyake yenzakala na ensukwini zenu loba ensukwini zabokhokho benu?

ULevi 23:36

Okwensuku eziyisikhombisa lethani iminikelo yokutshiswa kuThixo, kuthi ngosuku lwesificaminwembili libe lenkonzo engcwele lilethe umnikelo wokutshiswa kuThixo. Yinkonzo yokuvala; lingenzi msebenzi wansuku zonke.

UJona 3:5

Abantu beNiniva babekholwa kuNkulunkulu. Bamemezela ukuthi kuzilwe ukudla, njalo bonke kusukela komkhulu kusiya komncinyane bavunula amasaka.

UJona 3:8

Kodwa akuthi umuntu loba yinyamazana kwembathe amasaka. Wonke umuntu kamemeze ngokukhawuleza kuNkulunkulu. Kabadele izindlela zabo zobubi lobudlwangudlwangu babo.

UZefaniya 2:1

Buthanani ndawonye, buthanani ndawonye, wena sizwe esiyangisayo,