UJobe 5:2 - IBhayibhili Elingcwele LesiNdebele

² Ukucaphuka kuyasibulala isiwula lomhawu uyamqeda oyisithutha.

iBhayibhili Elingcwele 1978

² Impela ukuthukuthela kuyasibulala isithutha, lomhawu uchithe isiphukuphuku.

UJobe 5:2 ပူးပေါင်းရင်းမြစ်များ

UGenesisi 30:1

URasheli wathi ebona ukuthi wayengazaleli uJakhobe abantwana, wasekhwelezela udadewabo. Wasesithi kuJakhobe, “Ngipha abantwana, kumbe ngife!”

UGenesisi 38:9

Kodwa u-Onani wakwazi ukuthi inzalo leyo yayingezukuba ngeyakhe; ngakho kwakusithi sonke isikhathi angalala lomkamfowabo achithele inhlanyelo phansi emhlabathini ukuze angaze azalela umfowabo abantwana.

UJobe 18:4

Wena ozidabudabulayo ube yiziqa ngokuthukuthela kwakho, uthi sesingawudela umhlaba ngenxa yakho? Loba uthi amadwala agudlulwe ezindaweni zawo na?

AmaHubo 107:17

Abanye baba yiziwula ngenxa yezindlela zabo zokuhlamuka badliwa yizinhlupheko ngenxa yokuxhwala kwabo.

AmaHubo 14:1

Isiwula sithi enhliziyweni yaso, “AkulaNkulunkulu.” Baxhwalile, izenzo zabo zibolile; kakho loyedwa owenza okuhle.

AmaHubo 75:4

Ngithi kwabayiziqholo, ‘Lingabe lisazincoma,’ ngithi kwababi, ‘Lingaziphakamisi impondo zenu.

AmaHubo 92:6

Umuntu ongelangqondo akazi, iziwula kazizwisisi,

Izaga 12:16

Isiwula siyaphangisa ukuthukuthela, kodwa umuntu olengqondo kananzi loba ethukwa.

Izaga 19:16

Lowo olalela izeluleko uvikela impilo yakhe, kodwa lowo ozedelelayo uzakufa.

Izaga 19:19

Umuntu ololaka oluphuphumayo luyamtshayisa, ungamlamulela, usuzahlala umlamulela njalo.

Izaga 27:3

Ilitshe liyasinda, itshebetshebe ngumthwalo onzima, kodwa ukucatshulwa yisiwula kunzima okudlula kokubili.

Izaga 8:5

Lina eliyizithutha, zuzani ukuqonda; lina ziphukuphuku, zuzani ukuqedisisa.

UmTshumayeli 7:9

Ungaphangisi ukufuthelana ngaphakathi, ngoba ulaka luhlezi lugonwe yiziwula.

UHosiya 7:11

U-Efrayimi unjengejuba, ukhohliseka lula kalangqondo ucela usizo eGibhithe, abuye alucele e-Asiriya.

UJona 4:9

Kodwa uNkulunkulu wathi kuJona, “Ulelungelo na lokuthi uzonde ngenxa yesihlahla?” UJona wathi, “Yebo. Ngizonde kakhulu, kuthi kangife.”

AbaseRoma 2:8

Kodwa labo abazinqinekelayo labala iqiniso balandele ububi, kuzakuba lolaka lokuthukuthela.

2 uTimothi 3:6

Yibo laba abanyenyela emakhaya bazuze amandla phezu kwabesifazane ababuthakathaka, abasindwa yizono njalo bebuswa zinhlobo zonke zezinkanuko ezimbi,