UJobe 1:9 - IBhayibhili Elingcwele LesiNdebele

⁹ USathane waphendula wathi, “Kambe uJobe umesaba kungelasizatho na uNkulunkulu?

iBhayibhili Elingcwele 1978

⁹ USathane wayiphendula iNkosi wathi: UJobe umesabela ize uNkulunkulu na?

UJobe 1:9 ပူးပေါင်းရင်းမြစ်များ

UJobe 1:10

Kawumbiyelanga ngothango yini yena lendlu yakhe, kanye lakho konke alakho? Uwubusisile umsebenzi wezandla zakhe kuze kuthi imihlambi yakhe yezimvu leyenkomo igcwale ilizwe lonke.

UJobe 1:21

wathi: “Ngaphuma ngize esiswini sikamama, njalo ngizasuka ngize. UThixo wapha njalo usethethe; kalidunyiswe ibizo likaThixo.”

UJobe 2:10

Wamphendula wathi, “Ukhuluma njengomfazi oyisiwula. Sizakwamukela okuhle kuNkulunkulu singalwamukeli uhlupho na?” Kukho konke lokhu uJobe kenzanga isono ngakutshoyo.

UMalaki 1:10

“Oh, sekuze kungathi omunye wenu angavala iminyango yethempeli ukuze lingabi lilokhu libasa imililo engelamsebenzi e-alithareni lami! Kangithokozi ngani lina,” kutsho uThixo uSomandla, “njalo kangiyikwamukela umnikelo wezandla zenu.

UMatewu 16:26

Kuzamsiza ngani umuntu ukuzuza wonke umhlaba kodwa alahlekelwe ngumphefumulo wakhe na? Kambe umuntu angaphani esikhundleni sempilo yakhe na?

1 uTimothi 4:8

Ngoba imisebenzi yokuqinisa umzimba ilosizo oluthile kodwa ukwesaba uNkulunkulu kulosizo ezintweni zonke, kulesithembiso ekuphileni kwakhathesi lasekuphileni okuzayo.

1 uTimothi 6:6

Kodwa-ke, ukulalela uNkulunkulu ngokusuthiseka kuyinzuzo enkulu.

Isambulo 12:9

Umgobho omkhulu waphoselwa phansi, inyoka leyana endala ethiwa ngoMubi loba uSathane odukisa umhlaba wonke. Waphoselwa emhlabeni ekanye lezingilosi zakhe.