UHosiya 9:14 - IBhayibhili Elingcwele LesiNdebele

¹⁴ Baphe, Oh Thixo uzabaphani na? Baphe izibeletho eziphunzayo lamabele angelalutho.

iBhayibhili Elingcwele 1978

¹⁴ Banike, Nkosi! Uzabanikani na? Banike isisu esiphumayo lamabele angelalutho.

UHosiya 9:14 ပူးပေါင်းရင်းမြစ်များ

ULukha 23:29

Ngoba sizafika isikhathi lapho elizakuthi, ‘Babusisiwe abafazi abazinyumba, lezibeletho ezingazange zithwale kanye lamabele angazange amunyise!’

1 AbaseKhorinte 7:26

Ngenxa yokukhathazeka kwakhathesi, ngicabanga ukuthi kuhle kini ukuba lihlale linjengoba linjalo.

ULukha 21:23

Yeka ubulukhuni obuzakuba khona ngalezonsuku kwabesifazane abakhulelweyo labangabadlezane! Kuzakuba khona ukuhlukuluzeka okukhulu elizweni lolaka phezu kwabantu.

UMakho 13:17

Yeka ubulukhuni obuzakuba khona ngalezonsuku kwabesifazane abakhulelweyo labangabadlezane!

UMatewu 24:19

Yeka ubulukhuni obuzakuba khona ngalezonsuku kwabesifazane abakhulelweyo labangabadlezane!

UHosiya 9:16

U-Efrayimi udlekile, impande zabo zomile, kabatheli zithelo. Loba bengazala abantwana, ngizayibulala inzalo yabo abayithandayo.”

UHosiya 9:13

Ngimbonile u-Efrayimi, njengeThire, ebekwe endaweni enhle. Kodwa u-Efrayimi uzakhuphela abantwana bakhe phandle kobulalayo.”

UHosiya 9:11

Udumo luka-Efrayimi luzaphapha luhambe njengenyoni, akuyikuba lokuzala, lokukhulelwa, lokuthatha izisu.

UJobe 21:10

Inkunzi zabo zikhuthele ziyazala; amankomokazi abo azala kuhle kawaphunzi.

U-Eksodasi 23:26

njalo kakho ozaswela loba abe yinyumba ezweni lenu. Ngizaphelelisa insuku zenu.

UDutheronomi 28:18

Inzalo yenu izaqalekiswa, lezithelo zomhlabathi wenu, lamathole emihlambi yenu kanye lamazinyane emihlambi yenu.