UHosiya 5:7 - IBhayibhili Elingcwele LesiNdebele

⁷ Kabathembekanga kuThixo; bazala abantwana ngokungemthetho. Khathesi imikhosi yabo yokuThwasa Kwezinyanga izabaqothula kanye lamasimu abo.

iBhayibhili Elingcwele 1978

⁷ Bayikhohlisile iNkosi, ngoba bazele abantwana bezizweni. Khathesike ohlaselayo uzabachitha lamazwe abo.

UHosiya 5:7 ပူးပေါင်းရင်းမြစ်များ

AmaHubo 144:11

Ngihlenge, ungikhulule ezandleni zabezizwe omilomo yabo igcwele amanga, ozandla zabo zokunene zilenkohliso.

AmaHubo 144:7

Yelula isandla sakho sisuka phezulu; ngihlenga ungikhulule emanzini alamandla abezizweni

U-Isaya 1:14

Umphefumulo wami uyawazonda amadili enu okuthwasa kwezinyanga lemikhosi yenu emisiweyo. Sekube ngumthwalo kimi; sengikhathele ngokukuthwala.

U-Isaya 48:8

Kawuzange uzwe kumbe uqedisise; kusukela endulo indlebe yakho ibingavulekanga. Ngikwazi kuhle ukuthi wena uyingozi; kwathiwa ungumhlamuki kusukela ekuzalweni kwakho.

U-Isaya 59:13

ukuhlamuka lokungathembeki kuThixo, ukufulathela uNkulunkulu wethu, ukukhuthaza uncindezelo lomvukela, ukukhuluma amanga esiwacabange ngezinhliziyo zethu.

UJeremiya 3:20

Kodwa njengowesifazane ongathembekanga kumkakhe, ubungathembekanga kimi wena ndlu ka-Israyeli,” kutsho uThixo.

UJeremiya 5:11

Indlu ka-Israyeli lendlu kaJuda kazithembekanga impela kimi,” kutsho uThixo.

UHezekhiyeli 12:28

Ngakho wothi kubo, ‘Nanku okutshiwo nguThixo Wobukhosi: Akukho lalinye ilizwi lamazwi ami elizaphuza; loba kuyini engikutshoyo kuzagcwaliseka, kutsho uThixo Wobukhosi.’ ”

UHosiya 2:11

Ngizayiqeda yonke imikhosi yakhe yokuthokoza: imikhosi yakhe yeminyaka yonke, ukuThwasa kweziNyanga, insuku zakhe zamaSabatha, yonke imikhosi yakhe emisiweyo.

UHosiya 2:4

Kangiyikubonakalisa uthando lwami ebantwaneni bakhe, ngoba bangabantwana bobufebe.

UHosiya 6:7

Njengo-Adamu, sebesephule isivumelwano babengathembekanga khonale.

UHosiya 7:13

Maye kubo ngoba bedukile kimi! Akube lencithakalo kubo ngoba bangihlamukele! Ngiyafisa ukubahlenga kodwa bona bakhuluma amanga ngami.

UZakhariya 11:8

Ngenyanga eyodwa ngaxotsha abelusi abathathu. Izimvu zanengeka ngami, lami zangidina