UHosiya 10:13 - IBhayibhili Elingcwele LesiNdebele

¹³ Kodwa lina lihlanyele ukuxhwala, livune ububi, lidle isithelo senkohliso. Njengoba lithembe amandla enu lamabutho enu amanengi,

iBhayibhili Elingcwele 1978

¹³ Lilime ububi, lavuna ukungalungi, lidlile izithelo zamanga. Ngoba lithembile inqola zenu zempi, lobunengi bamaqhawe enu;

UHosiya 10:13 ပူးပေါင်းရင်းမြစ်များ

UJobe 4:8

Ngokubona kwami labo abalima okubi lalabo abahlanyela ububi bavuna bona.

AmaHubo 33:16

Akulankosi esizwa yibukhulu bebutho layo; akulaqhawe eliphunyuka ngamandla alo amakhulu.

AmaHubo 52:7

“Nangu-ke manje umuntu lo ongenzanga uNkulunkulu inqaba yakhe kodwa wathemba inotho yakhe enkulu wakhula waba lamandla ngokuwisa abanye!”

AmaHubo 62:10

Lingathembi ukuqilibezela kumbe lizikhukhumeze ngempahla zokwebiwa; kungaze kube inotho yenu iyanda, lingabeki inhliziyo zenu kuyo.

Izaga 1:31

bazakudla izithelo zokuhamba kwabo basuthiswe ngezithelo zamacebo abo.

Izaga 12:19

Izindebe zeqiniso zimi lanini, kodwa ulimi olulamanga luma umzuzwana nje.

Izaga 13:2

Umuntu uzuza okuhle ngamazwi omlomo wakhe, kodwa ababi batshisekela udlakela.

Izaga 19:5

Umfakazi wamanga uthola isijeziso, lalowo ohutshuza amanga kayikuphunyuka.

Izaga 22:8

Lowo ohlanyele ububi uvuna ukuhlupheka, njalo uswazi lolaka lwakhe luzakwephulwa.

UmTshumayeli 9:11

Ngikubonile okunye njalo ngaphansi kwelanga: Ukutshiya abanye kakuyi ngesiqubu kumbe ukunqoba impi kuye ngamandla; kakutsho ukuthi ukudla kuya kwabahlakaniphileyo kumbe inotho kwabakhaliphileyo loba okuhle kwehlele abafundileyo; kodwa kuya ngesikhathi langenhlanhla kubani lobani.

U-Isaya 17:11

lanxa lingawenza akhule ngelanga elizawagxumeka ngalo, loba liwenze ahlume ngekuseni eliwahlanyele ngayo, kodwa isivuno sizakuba yize ngosuku lwesifo lobuhlungu obungelaphekiyo.

UHosiya 11:12

“U-Efrayimi usengizingeleze ngamanga, lendlu ka-Israyeli ngenkohliso. LoJuda uluhlaza kuNkulunkulu, kanye lakuye othembekileyo oNgcwele.”

UHosiya 4:2

Kulokuthuka kuphela, lokuqamba amanga lokubulala, lokuntshontsha kanye lobufebe; benza ububi bonke, njalo ukuchithwa kwegazi kulandela ukuchithwa kwegazi.

UHosiya 4:8

Badla izono zabantu bami bajabuliswe yikuxhwala kwabo.

UHosiya 7:3

Bathokozisa inkosi ngobuxhwali babo, lababusi ngamanga abo.

UHosiya 8:7

Bahlanyela umoya bavune isavunguzane. Ihlanga kalilasikhwebu; kaliyikuthela ifulawa. Aluba belingathela amabele, abezizweni kade bezawamimiliza.

1 USamuyeli 24:14

Inkosi yako-Israyeli iphume ukuyamelana lobani na? Ngubani oxotshana laye? Yinja efileyo na? Yindwebundwebu na?