UHezekhiyeli 8:6 - IBhayibhili Elingcwele LesiNdebele

⁶ Wasesithi kimi, “Ndodana yomuntu, uyakubona yini abakwenzayo, izinto ezenyanyekayo kakhulu indlu ka-Israyeli ezenzayo lapha, izinto ezizangixotshela khatshana lendawo yami engcwele? Kodwa wena uzabona izinto ezenyanyekayo kakhulukazi kulalezi.”

iBhayibhili Elingcwele 1978

⁶ Wasesithi kimi: Ndoda, uyakubona lokho abakwenzayo, amanyala amakhulu enziwa ngabakoIsrayeli lapha, ukungixotshela khatshana lendawo yami engcwele na? Kodwa usezakubona amanyala adlula la.

UHezekhiyeli 8:6 ပူးပေါင်းရင်းမြစ်များ

2 ImiLando 29:5

wathi: “Lalelani kimi, lina baLevi! Zihlambululeni khathesi njalo lihlambulule lethempeli likaThixo, uNkulunkulu waboyihlo. Lisuse amanyala endaweni engcwele.

AmaHubo 78:60

Walidela ithabanikeli lakhe eShilo, ithente ayelakhile phakathi kwabantu.

Izaga 5:14

Ngacina sengisenkingeni enkulu ngiphakathi kwabantu bakaNkulunkulu.”

UJeremiya 11:18

Ngenxa yokuthi uThixo waveza icebo labo kimi, ngalazi, ngoba ngalesosikhathi wangitshengisa ababekwenza.

UJeremiya 23:11

“Umphrofethi lomphristi kabakholwa kunkulunkulu; lasethempelini lami ngiyabufumana ububi babo,” kutsho uThixo.

UJeremiya 26:6

ngizakwenza indlu le ibe njengeShilo ledolobho leli libe yinto yokuqalekiswa phakathi kwezizwe zonke zomhlaba.’ ”

UJeremiya 3:6

Ekubuseni kwenkosi uJosiya, uThixo wathi kimi, “Ukubonile yini okwenziwe ngu-Israyeli ongathembekanga? Usekhwele phezu kwamaqaqa wonke aphakemeyo langaphansi kwezihlahla zonke eziluhlaza wafebela khona.

UJeremiya 32:34

Bamisa izithombe zabo ezinengekayo endlini eleBizo lami bayingcolisa.

UJeremiya 7:17

Abakwenzayo emadolobheni akoJuda lasemigwaqweni yaseJerusalema kawukuboni na?

UJeremiya 7:30

“ ‘Abantu bakoJuda benze ububi phambi kwami, kutsho uThixo. Bamise izithombe zabo ezenyanyekayo endlini eleBizo lami balingcolisa.

UHezekhiyeli 10:18

Inkazimulo kaThixo yasuka ngasemnyango wethempeli yayakuma ngaphezu kwamakherubhi.

UHezekhiyeli 10:19

Amakherubhi elula amaphiko awo ngikhangele, aphakama esuka phansi, njalo kwathi lapho esehamba amavili ahamba lawo. Ema ekungeneni kwesango langasempumalanga lendlu kaThixo, njalo inkazimulo kaNkulunkulu ka-Israyeli yayingaphezu kwawo.

UHezekhiyeli 11:22

Lapho-ke amakherubhi, ayelamavili emaceleni, elula impiko zawo, njalo inkazimulo kaNkulunkulu ka-Israyeli yayingaphezu kwawo.

UHezekhiyeli 11:23

Inkazimulo kaThixo yaya phezulu isuka phakathi kwedolobho yayakuma ngaphezu kwentaba ngasempumalanga kwedolobho.

UHezekhiyeli 14:6

Ngakho-ke tshono endlini ka-Israyeli uthi: ‘Nanku okutshiwo nguThixo Wobukhosi: Phendukani! Tshiyani izithombe zenu lilahle imikhuba yenu enengayo!

UHezekhiyeli 18:12

Incindezela abayanga labaswelayo. Yenza ubuphangi. Kayibuyiseli eyakuthatha kuyisibambiso. Yethemba izithombe. Yenza izinto ezinengisayo.

UHezekhiyeli 43:8

Lapho babeka iminyango yabo phansi komnyango wami lemigubazi yabo eceleni kwemigubazi yami, kulomduli nje kuphela phakathi kwami labo, bangcolisa ibizo lami ngezenzo zabo ezinengekayo. Ngakho ngabaqeda ekuthukutheleni kwami.

UHezekhiyeli 47:6

Wangibuza wathi, “Ndodana yomuntu, uyakubona lokhu na?” Emva kwalokho wangibuyisela emuva ekhunjini lomfula.

UHezekhiyeli 5:11

Ngakho ngeqiniso elinjengoba ngikhona, kutsho uThixo Wobukhosi, ngoba ungcolise indlu yami engcwele ngezifanekiso zakho zonke ezingamanyala langezenzo zakho ezenyanyekayo, mina ngokwami ngizasusa umusa wami; angiyikuba lesihawu kuwe loba ngiyekele ukukubhubhisa.

UHezekhiyeli 8:13

Wabuye wathi, “Uzababona besenza izinto ezenyanyeka okudlula lokho.”

UHezekhiyeli 8:14

Emva kwalokho wangisa ekungeneni kwesango lasenyakatho kwendlu kaThixo, ngabona abesifazane behlezi khona belilela uThamuzi.

UHezekhiyeli 8:7

Emva kwalokho wangisa entubeni yeguma. Ngakhangela, ngabona imbobo emdulini.

UHezekhiyeli 8:9

Wasesithi kimi, “Ngena ubone izinto ezimbi lezenyanyekayo abazenzayo lapha.”

UHosiya 5:6

Lapho behamba lemihlambi yezimvu zabo leyenkomo ukuyadinga uThixo, kabayikumfumana; uzisusile kubo.