UHezekhiyeli 8:12 - IBhayibhili Elingcwele LesiNdebele

¹² Wathi kimi, “Ndodana yomuntu, ukubonile yini okwenziwa ngabadala bendlu ka-Israyeli emnyameni, omunye lomunye esendaweni yokukhonzela isithombe sakhe? Bathi, ‘UThixo kasiboni; uThixo uselilahlile ilizwe.’ ”

iBhayibhili Elingcwele 1978

¹² Wasesithi kimi: Ndoda, uyakubona lokho abakwenzayo emnyameni abadala bakoIsrayeli ezindlini zabo zemifanekiso na? Ngoba bathi: INkosi kayisiboni; iNkosi ilitshiyile ilizwe layo.

UHezekhiyeli 8:12 ပူးပေါင်းရင်းမြစ်များ

2 AmaKhosi 17:9

Basebesenza ngasese izinto ezazingalunganga kuThixo. Kusukela emphongolweni wesilindo kusiya enqabeni yomuzi basebezakhele izindawo zokukhonzela emizini yabo.

AmaHubo 10:11

Uzitshela athi, “UNkulunkulu usekhohliwe; uyabugubuzela ubuso bakhe angabe esabona.”

AmaHubo 14:1

Isiwula sithi enhliziyweni yaso, “AkulaNkulunkulu.” Baxhwalile, izenzo zabo zibolile; kakho loyedwa owenza okuhle.

AmaHubo 73:11

Bathi, “UNkulunkulu angakwazi kanjani? OPhezukonke ulalo ulwazi na?”

U-Isaya 29:15

Maye kulabo abatshona phansi ukuba bafihlele uThixo amacebo abo, abenzela imisebenzi yabo emnyameni bacabange bathi, “Ngubani osibonayo? Ngubani ozakwazi?”

U-Isaya 47:10

Wethembele ebubini bakho, njalo watsho wathi, ‘Kakho ongibonayo.’ Inhlakanipho yakho lolwazi lwakho kuyakukhohlisa lapho usithi kuwe, ‘Mina yimi, njalo kakho omunye ngaphandle kwami.’

UHezekhiyeli 14:1

Abanye babadala bako-Israyeli beza kimi bahlala phambi kwami.

UHezekhiyeli 20:1

Ngomnyaka wesikhombisa, ngenyanga yesihlanu ngosuku lwetshumi, abanye babadala bako-Israyeli bafika bezebuza uThixo, bahlala phansi phambi kwami.

UHezekhiyeli 8:11

Phambi kwazo kwakumi abadala bendlu ka-Israyeli abangamatshumi ayisikhombisa, loJazaniya indodana kaShafani emi phakathi kwabo. Omunye lomunye wayephethe udengezi lokutshisela impepha ngesandla, luthunqa intuthu elephunga elimnandi elempepha.

UHezekhiyeli 8:13

Wabuye wathi, “Uzababona besenza izinto ezenyanyeka okudlula lokho.”

UHezekhiyeli 8:15

Wasesithi kimi, “Uyakubona lokhu na, ndodana yomuntu? Uzabona izinto ezenyanyeka kakhulu kulalokhu.”

UHezekhiyeli 8:17

Wathi kimi, “Sewake wakubona lokhu na ndodana yomuntu? Kuyinto encane na ukuthi indlu kaJuda yenze izinto ezenyanyekayo abazenza lapha? Kumele ilizwe baligcwalise futhi ngodlakela, njalo bangithukuthelise kokuphela na? Bakhangele bebeka ugatsha empumulweni yabo!

UHezekhiyeli 9:9

Wangiphendula wathi, “Isono sendlu ka-Israyeli lekaJuda sikhulu kakhulu; ilizwe ligcwele ukuchithwa kwegazi, ledolobho ligcwele ukungalungi. Bathi, ‘UThixo uselidelile ilizwe; uThixo kaboni.’

UZefaniya 1:12

Ngalesosikhathi ngizaphenya iJerusalema ngezibane ngijezise labo abangakhathaliyo, abanjengewayini elitshiywe phakathi kwensipho zalo, abathi, ‘UThixo kayikwenza lutho, oluhle loba olubi.’

Abase-Efesu 5:12

Ngoba kulihlazo lokukutsho nje okwenziwa yizigangi ensitha.

UDutheronomi 27:15

‘Kaqalekiswe umuntu obaza isithombe loba isithombe esibunjiweyo, into eyisinengiso kuThixo, umsebenzi wezandla zomuntu olobungcwethi, asimise ensitha.’ Ngakho abantu bonke bazakuthi, ‘Ameni!’