UHezekhiyeli 7:24 - IBhayibhili Elingcwele LesiNdebele

²⁴ Ngizaletha izizwe ezimbi kakhulu ukuthi zithathe izindlu zabo. Ngizaqeda ukuzigqaja kwabalamandla lezindawo zabo ezingcwele zizangcoliswa.

iBhayibhili Elingcwele 1978

²⁴ ngizaletha izizwe ezimbi kakhulu ukuthumba izindlu zabo, ngiqede ukuziqhenya kwabo lamandla abo, kungcoliswe indawo zabo ezingcwele.

UHezekhiyeli 7:24 ပူးပေါင်းရင်းမြစ်များ

UGenesisi 47:26

Kunjalo uJosefa wakumisa kwaba ngumthetho eGibhithe mayelana lomhlaba, okulokhu kulandelwa lalamuhla, ukuthi ingxenye eyodwa kokuhlanu ngekaFaro. Kwakungumhlaba wabaphristi kuphela ongazange ube ngokaFaro.

AmaHubo 106:41

Wabanikela kwabezizwe, izitha zabo zabusa phezu kwabo.

AmaHubo 74:7

Zatshisa indlu yakho engcwele yaphela nya; zangcolisa indawo ehlala iBizo lakho.

AmaHubo 83:12

abathi, “Kasiwathumbe amadlelo kaNkulunkulu.”

U-Isaya 5:14

Ngakho indawo yabafileyo izakwelula imihlathi yayo, ikhamise umlomo wayo okungelamkhawulo; izikhulu zabo lenengi labo bawele phakathi labo bonke abaxokozelayo labazithokozisayo.

UJeremiya 12:12

Emiqolweni yonke engelalutho enkangala abachithi bazaphithizela, ngoba inkemba kaThixo izakudla kusukela komunye umkhawulo welizwe kusiya komunye; kakho ozavikeleka.

UJeremiya 17:4

Ngenxa yezici zenu lizalahlekelwa yilifa engalinika lona. Ngizalenza libe yizigqili zezitha zenu elizweni elingalaziyo, ngoba livuse ulaka lwami, njalo luzavutha kuze kube nininini.”

UJeremiya 4:7

Isilwane sesiphumile esikhundleni saso, umchithi wezizwe usephumile. Usesukile endaweni yakhe ukuba achithe ilizwe lenu. Amadolobho enu azakuba ngamanxiwa engelamuntu ohlala kuwo.

UJeremiya 6:12

Izindlu zabo zizanikwa abanye, konke lamasimu abo kanye labafazi babo, lapho ngiselula isandla sami ngimelana lalabo abahlala elizweni,” kutsho uThixo.

Izililo 5:2

Ilifa lethu seliphiwe abezizweni, imizi yethu yathathwa ngabemzini.

UHezekhiyeli 21:2

“Ndodana yomuntu, khangelisa ubuso bakho eJerusalema utshumayele okubi ngendawo engcwele. Phrofetha okubi ngelizwe lako-Israyeli

UHezekhiyeli 21:31

Ngizathululela ulaka lwami phezu kwakho ngiphefumlele lentukuthelo yami etshisayo kuwe; ngizakunikela ebantwini abalesihluku, abantu abakwaziyo ukuqothula.

UHezekhiyeli 24:21

Tshono endlini ka-Israyeli uthi, ‘Nanku okutshiwo nguThixo Wobukhosi: Sekuseduze ukuthi ngingcolise indlu yami engcwele, inqaba eliziqhenya ngayo, intokozo yamehlo enu, into eliyithanda kakhulu. Amadodana lamadodakazi eliwatshiyileyo azabulawa ngenkemba.

UHezekhiyeli 28:7

ngizaletha abezizweni ukuba bamelane lawe, izizwe ezilesihluku kakhulu; zizahwatsha inkemba zazo zimelane lobuhle bakho kanye lenhlakanipho, zone lobuhle bakho obukhazimulayo.

UHezekhiyeli 33:28

Ngizakwenza ilizwe libe lugwadule oluphundlekileyo, njalo ukuziqhenya kwamandla alo kuzaphela, lezintaba zako-Israyeli zizachitheka kuze kungabikhona odlula kuzo.

UZefaniya 1:13

Inotho yabo izaphangwa, izindlu zabo zidilizwe. Bazakwakha izindlu kodwa bangahlali kuzo; bazahlanyela izivini, kodwa iwayini bangalinathi.”