UHezekhiyeli 7:17 - IBhayibhili Elingcwele LesiNdebele

¹⁷ Izandla zonke zizaxega, lamadolo wonke abe buthakathaka njengamanzi.

iBhayibhili Elingcwele 1978

¹⁷ Zonke izandla zizakuba buthakathaka, lamadolo axege.

UHezekhiyeli 7:17 ပူးပေါင်းရင်းမြစ်များ

UJeremiya 6:24

Sesizwe imibiko ngabo, njalo izandla zethu zilenga zingelamandla. Usizi lusibambile, ubuhlungu obunjengowesifazane ohelelwayo.

UHezekhiyeli 21:12

Hlaba umkhosi ulile, ndodana yomuntu, ngoba imelane labantu bami; imelane lamakhosana wonke ako-Israyeli. Aphoselwa kuyo inkemba ndawonye labantu bami. Ngakho-ke bamba isihlathi sakho.

UHezekhiyeli 21:7

Nxa bekubuza besithi, ‘Kungani na ububula?’ uzakuthi, ‘Ngenxa yezindaba ezifikayo. Zonke inhliziyo zizenyela lezandla zonke zibe buthakathaka, imimoya yonke izaphela amandla lamadolo wonke abe buthakathaka njengamanzi.’ Kuyeza! Ngempela kuzakwenzakala, kutsho uThixo Wobukhosi.”

UHezekhiyeli 22:14

Isibindi sakho sizaqinisela yini loba izandla zakho ziqine ngosuku ngiqondana lawe na? Mina Thixo sengikhulumile, njalo ngizakwenza lokho.

UDanyeli 5:6

Ubuso bayo bahloba, yethuka amadolo ayo aze atshayana, imilenze yathamba yathi wohlo phansi.

AmaHebheru 12:12

Ngakho-ke, qinisani izingalo zenu ezibuthakathaka lamadolo enu axegayo.