UHezekhiyeli 48:13 - IBhayibhili Elingcwele LesiNdebele

¹³ AbaLevi bazakuba lesabelo esizingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezilitshumi (10,000) ububanzi njalo sisekelane lesabaphristi. Ubude baso sonke buzakuba zingalo eziyinkulungwane ezingamatshumi amabili lanhlanu (25,000) ububanzi baso buzingalo eziyinkulungwane ezilitshumi (10,000).

iBhayibhili Elingcwele 1978

¹³ Eceleni kwendawo yabapristi amaLevi azakuba lesabelo, ubude baso bube zingalo eziyizinkulungwane ezingamatshumi amabili lanhlanu, lobubanzi baso bube zingalo eziyizinkulungwane ezilitshumi. Ubude baso bonke buzakuba zingalo eziyizinkulungwane ezingamatshumi amabili lanhlanu, lobubanzi baso bube zingalo eziyizinkulungwane ezingamatshumi amabili.

UHezekhiyeli 48:13 ပူးပေါင်းရင်းမြစ်များ

U-Eksodasi 23:19

Lethani okolibo kwenu okuhle kakhulu endlini kaThixo uNkulunkulu wenu. Lingapheki izinyane lembuzi ngochago lukanina.”

UHezekhiyeli 45:3

Esifundeni esingcwele linganisa ingxenye ezingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezilitshumi (10,000) ububanzi. Phakathi kwayo kuzakuba lendlu engcwele, iNdawo eNgcwele kakhulu.

UHezekhiyeli 45:5

Umango ozingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezilitshumi (10,000) ububanzi izakuba ngeyabaLevi, abakhonza ethempelini, njengesabelo sabo samadolobho okuhlala kuwo.

UHezekhiyeli 48:12

Sizakuba yisipho esiqakathekileyo kubo sivela esigabeni esingcwele selizwe, isigaba esingcwele kakhulu, esingcelelane lesigaba sabaLevi.

UHezekhiyeli 48:14

Akumelanga basithengise loba bantshintshe ngokunye kwaso. Lesi ngesihle kakhulu selizwe njalo akumelanga siphiwe abanye abantu ngoba singcwele kuThixo.

ULevi 25:34

Kodwa amadlelo angaphandle kwamadolobho awo akumelanga athengiswe ngoba ayilifa lawo kuze kube nininini.

ULukha 10:7

Hlalani kuleyondlu, lidle njalo linathe loba yini abalinika khona ngoba osebenzayo ufanele aphiwe iholo lakhe. Linganqumi ngezindlu lihlala lapha lalapha.

UDutheronomi 12:19

Linanzelele lingalibali beselikhohlwa abaLevi nxa lilokhu lisahlala elizweni lenu.