UHezekhiyeli 48:10 - IBhayibhili Elingcwele LesiNdebele

¹⁰ Lesi sizakuba yisigaba esingcwele sabaphristi. Sizakuba zingalo eziyinkulungwane ezingamatshumi amabili lanhlanu (25,000) ubude ngasenyakatho, ingalo eziyinkulungwane ezilitshumi (10,000) ububanzi ngasentshonalanga, ingalo eziyinkulungwane ezilitshumi (10,000) ububanzi ngasempumalanga kanye lengalo eziyinkulungwane ezingamatshumi amabili lanhlanu (25,000) ubude ngaseningizimu. Phakathi enkabeni yaso kuzakuba lendlu engcwele kaThixo.

iBhayibhili Elingcwele 1978

¹⁰ Nanzi izabelo zezigaba ezingcwele. Abapristi bazakuba lesabelo esiyizingalo ezizinkulungwane ezingamatshumi amabili lanhlanu ngasenyakatho; ububanzi baso ngasentshonalanga bube zingalo ezizinkulungwane ezilitshumi, lobubanzi baso ngasempumalanga bube zingalo ezizinkulungwane ezilitshumi, lobude baso ngaseningizimu bube zingalo ezizinkulungwane ezingamatshumi amabili lanhlanu, indlu engcwele yeNkosi izakuba phakathi kwaso.

UHezekhiyeli 48:10 ပူးပေါင်းရင်းမြစ်များ

UGenesisi 13:14

UThixo wathi ku-Abhrama ngemva kokuba uLothi esesukile kuye, “Phakamisa amehlo akho asuke lapho okhona, ukhangele enhla leningizimu, empumalanga lentshonalanga.

UHezekhiyeli 44:28

Mina ngizakuba yilona lifa kuphela abaphristi abalalo. Akukho lifa ozabapha lona ko-Israyeli; mina ngizakuba yilifa labo.

UHezekhiyeli 45:4

Izakuba yingxenye engcwele yelizwe ingeyabaphristi, abakhonzayo endlini engcwele njalo abasondela eduze ukuba bakhonze phambi kukaThixo. Izakuba yindawo yezindlu zabo kanye lendawo engcwele yendlu engcwele.

UHezekhiyeli 48:9

Isigaba esiqakathekileyo ozasipha uThixo sizakuba zingalo eziyinkulungwane ezingamatshumi amabili lanhlanu (25,000) ubude lengalo eziyinkulungwane ezilitshumi (10,000) ububanzi.

UMatewu 10:10

lingathwali izikhwama ekuhambeni kwenu loba isigqoko sokuntshintsha, loba amanye amanyathela kumbe olunye udondolo ngoba osebenzayo kufanele aphiwe okokuziphilisa.