UHezekhiyeli 45:10 - IBhayibhili Elingcwele LesiNdebele

¹⁰ Kumele lisebenzise izikali eziqotho, ihefa eliqotho kanye lebhathi eliqotho.

iBhayibhili Elingcwele 1978

¹⁰ Lizakuba lezilinganiso ezilungileyo, ihefa eliqondileyo letanka eliqondileyo.

UHezekhiyeli 45:10 ပူးပေါင်းရင်းမြစ်များ

Izaga 11:1

UThixo uyazenyanya izilinganiso zokudlelezela, kodwa uthokoza ngezilinganiso eziqondileyo.

Izaga 16:11

Izilinganiso eziqondileyo zivela kuThixo; zonke izisindo ezisemgodleni zenziwa nguye.

Izaga 20:10

Izisindo ezitshiyanayo lezilinganiso ezitshiyanayo uThixo uyakuzonda kokubili.

Izaga 21:3

Ukwenza okulungileyo lokufaneleyo kuyathandeka kuThixo kulomhlatshelo.

U-Isaya 5:10

Izindima ezilitshumi zesivini zizathela ifatshi elilodwa lewayini, ihomeri lenhlanyelo lithele ihefa lamabele.”

UDutheronomi 25:13

Ungabokuba lezilinganiso zesisindo ezimbili emgodleni wakho ezehlukeneyo, esinye esinzima lesinye esilula.

UDutheronomi 25:15

Kumele libe lezilinganiso eziqondileyo leziqotho loba ngezesisindo loba ngezobukhulu, ukuze libe lempilo ende elizweni uThixo uNkulunkulu wenu alinika lona.