UHezekhiyeli 40:24 - IBhayibhili Elingcwele LesiNdebele

²⁴ Wabuya wangisa eceleni langaseningizimu ngabona isango elalikhangele eningizimu. Walinganisa izinsika zalo lentuba yalo, ubude lobubanzi bakho babulingana lobokunye.

iBhayibhili Elingcwele 1978

²⁴ Wasengisa ngaseningizimu, kwakukhona isango ngaseningizimu; walinganisa insika zalo lendlu yalo esekungeneni, kwakulingana lezinye.

UHezekhiyeli 40:24 ပူးပေါင်းရင်းမြစ်များ

UHezekhiyeli 40:33

Izindlwana zalo, imiduli yalo ephumele phambili kanye lentuba yalo, ubude lobubanzi bakho babulingana lobokunye. Isango lentuba yalo kwakulezikhala indawo yonke. Lalizingalo ezingamatshumi amahlanu ubude balo lezingalo ezingamatshumi amabili lanhlanu ububanzi balo.

UHezekhiyeli 40:6

Emva kwalokho waya esangweni elikhangele empumalanga. Wakhwela ngezinyathelo zalo walinganisa umbundu wesango; wawululuthi olulodwa ukutshona kwawo.

UHezekhiyeli 46:9

Lapho abantu belizwe besiza phambi kukaThixo emikhosini emisiweyo, loba ngubani ongena ngesango lenyakatho ukuzakhonza uzaphuma ngesango leningizimu; njalo loba ngubani ongena ngesango leningizimu uzaphuma ngesango lenyakatho. Kakho ozabuyela ngesango angene ngalo, kodwa lowo lalowo uzaphuma ngesango aqondane lalo.