UHezekhiyeli 4:16 - IBhayibhili Elingcwele LesiNdebele

¹⁶ Waphinda wathi kimi, “Ndodana yomuntu, ngizavala ukungeniswa kokudla eJerusalema. Abantu bazakudla ukudla kokwabelwa benqineka, banathe lamanzi okwabelwa bengelathemba,

iBhayibhili Elingcwele 1978

¹⁶ Yathi futhi kimi: Ndoda, ngizanciphisa ukudla kwabo kwensuku zonke eJerusalema; abantu bazalinganisa ukudla abakudlayo benqineka, balinganise lamanzi abawanathayo benqineka.

UHezekhiyeli 4:16 ပူးပေါင်းရင်းမြစ်များ

2 AmaKhosi 25:3

Ngosuku lwesificamunwemunye lwenyanga yesine indlala yayisinzima edolobheni, abantu bengaselakudla.

2 AmaKhosi 6:25

Kwaba lendlala enkulu eSamariya ngesikhathi sokuvinjezelwa kwayo; ngakho inhloko kababhemi yayithengiswa ngamashekeli esiliva angamatshumi ayisificaminwembili, legajana lombhida othile ngamashekeli amahlanu esiliva.

AmaHubo 105:16

Waletha indlala elizweni wachitha zonke iziphala zokudla;

AmaHubo 60:3

Ubabonisile abantu bakho izikhathi ezilukhuni; usiphe iwayini elisenza sidiyazele.

U-Isaya 3:1

Khangelani khathesi UThixo, uThixo uSomandla usezasusa eJerusalema lelizweni lakoJuda okufunekayo losizo: konke ukudla lamanzi,

UJeremiya 52:6

Ngosuku lwesificamunwemunye lwenyanga yesine indlala yayisinzima edolobheni, abantu bengaselakudla.

Izililo 1:11

Bonke abantu bayo bayagomela behamba bedinga ukudla; bathengisa inotho yabo eligugu ngokudla ukuze bangafi. “Oh Thixo, ake ungihawukele ngoba sengidelelwa.”

Izililo 5:4

Amanzi okunatha siyawathenga; inkuni zethu zikhutshelwa imali.

Izililo 5:9

Isinkwa sisithola ngendlela eyingozi ngenxa yenkemba ekhona enkangala.

UHezekhiyeli 14:13

“Ndodana yomuntu, nxa ilizwe lisona kimi ngokungathembeki besengiselula isandla sami ukuba ngivale ukulethwa kokudla kwalo, ngithumele indlala kulo ibulale abantu bakhona kanye lezifuyo zabo,

UHezekhiyeli 4:15

Wasesithi, “Kulungile. Ngizakuvumela ukuba upheke isinkwa sakho ngamalongwe enkomo esikhundleni samalongwe abantu.”

UHezekhiyeli 5:16

Lapho ngikutshoka ngemitshoko yami ebhubhisayo, langemitshoko echithayo yendlala, ngizatshoka ukuba ngikutshabalalise. Ngizakwandisela indlala ngivale ukulethwa kokudla kwakho.

ULevi 26:26

Lapho sengimise ukulethwa kwezinkwa zenu, abesifazane abalitshumi bazapheka izinkwa zenu eziko elilodwa, babele izinkwa zenu ngobunzima bazo; lizakudla kodwa lingasuthi.

uAmosi 4:8

Abantu babhadazela besuka kwelinye idolobho besiya kwelinye befuna amanzi kodwa kabawatholanga anele ukuba bakholwe, ikanti kalibuyelanga kimi,” kutsho uThixo.

Isambulo 6:5

Kwathi iWundlu livula uphawu lwesithathu, ngezwa isidalwa sesithathu esiphilayo sisithi, “Woza!” Ngakhangela, khonapho phambi kwami kwakulebhiza elimnyama! Umgadi walo wayephethe isikali sokulinganisa.