UHezekhiyeli 32:16 - IBhayibhili Elingcwele LesiNdebele

¹⁶ Lesi yisililo esizaculelwa iGibhithe. Amadodakazi ezizwe azasicula: azasiculela iGibhithe kanye lamaxuku alo wonke, kutsho uThixo Wobukhosi.”

iBhayibhili Elingcwele 1978

¹⁶ Lokhu kuyisililo esizahlatshelwa; abesifazana bezizwe bazakusihlabela; bazakusihlabela ngeGibithe langalo lonke ixuku lalo, kutsho iNkosi uNkulunkulu.

UHezekhiyeli 32:16 ပူးပေါင်းရင်းမြစ်များ

2 USamuyeli 1:17

UDavida walila isililo lesi ngoSawuli lendodana yakhe uJonathani,

2 ImiLando 35:25

UJeremiya laye waloba isililo ngoJosiya, njalo kuze kube lamuhla abahlabeleli bonke abesilisa labesifazane lokhu behaya isililo ngoJosiya. Lokhu kulila kwaba ngumkhuba ko-Israyeli njalo kubhaliwe eZililweni.

UJeremiya 9:17

UThixo uSomandla uthi: “Cabangani khathesi! Bizani abesifazane abalilayo beze, libize labo abalobuciko obumangalisayo.

UHezekhiyeli 26:17

Lapho-ke azaqhinqa isililo ngawe athi kuwe: ‘Yeka ukuchitheka kwakho, wena dolobho lodumo, ogcwele ngabantu basolwandle! Wawulamandla elwandle wena kanye labakhe kuwe; waletha ukwesabeka kwakho kubo bonke ababehlala khona.

UHezekhiyeli 32:18

“Ndodana yomuntu, lilela amaxuku aseGibhithe njalo wehlisele ngaphansi komhlaba kokubili lona iGibhithe kanye lamadodakazi ezizwe ezilamandla, lalabo abehlela phansi egodini.

UHezekhiyeli 32:2

“Ndodana yomuntu, khala isililo ngoFaro inkosi yaseGibhithe uthi kuye: ‘Wena unjengesilwane phakathi kwezizwe; unjengesilo phakathi kolwandle, uvubavuba amanzi ezifuleni zakho, uchaphaze amanzi ngezinyawo zakho, ungcolisa lezifula ngodaka.