UHezekhiyeli 3:26 - IBhayibhili Elingcwele LesiNdebele

²⁶ Ngizakwenza ulimi lwakho lunamathele elwangeni lomlomo wakho ukuze uthule unganelisi ukubakhuza lanxa beyindlu ehlamukayo.

iBhayibhili Elingcwele 1978

²⁶ ngizakwenza ukuba ulimi lwakho lunamathele olwangeni lomlomo wakho ube yisimungulu, ungabakhuzi, ngoba bayisizwe esihlamukileyo.

UHezekhiyeli 3:26 ပူးပေါင်းရင်းမြစ်များ

AmaHubo 137:6

Sengathi ulimi lwami lunganamathela elwangeni lomlomo wami uba ngingakukhumbuli wena, uba ngingathathi iJerusalema njengentokozo yami ephezu konke.

AmaHubo 51:15

Oh Thixo, vula izindebe zami, umlomo wami uzamemezela indumiso yakho.

U-Isaya 1:2

Zwanini, mazulu! Lalelani, mhlaba! Ngoba uThixo usekhulumile: “Ngondla abantwana ngabakhulisa, kodwa sebengihlamukele.

UJeremiya 1:17

Wena zilungiselele! Sukuma ubatshele lokho engizakulaya khona. Ungathuthumeliswa yibo hlezi ngikwenze uthuthumele phambi kwabo.

Izililo 2:9

Amasango akhe asegqibelekile; izinti zawo zephulwe zabhidlizwa. Inkosi yayo lamakhosana ayo achithizelwe kwabezizwe, umthetho kawusekho, labaphrofethi bakhe kabasayamukeli imibono evela kuThixo.

UHezekhiyeli 12:2

“Ndodana yomuntu, uhlala phakathi kwabantu abahlamukayo. Balamehlo ukuba babone kodwa kababoni, njalo balendlebe ukuba bezwe kodwa kabezwa, ngoba bangabantu abahlamukayo.

UHezekhiyeli 12:3

Ngakho-ke ndodana yomuntu, lungisa impahla zakho zasekuthunjweni njalo kuthi emini, bekhangele, uphume usuke lapho okhona uye kwenye indawo. Mhlawumbe bazazwisisa, lanxa beyindlu ehlamukayo.

UHezekhiyeli 24:27

Ngalesosikhathi umlomo wakho uzavuleka; uzakhuluma laye njalo kawuyikuthula futhi. Ngakho uzakuba yisibonakaliso kubo, njalo bazakwazi ukuthi nginguThixo.”

UHezekhiyeli 33:22

Kusihlwa umuntu lowo engakafiki, isandla sikaThixo sasiphezu kwami, njalo wavula umlomo wami umuntu lowo engakafiki ekuseni. Ngakho umlomo wami wawusuvuliwe njalo ngangingasathulanga.

UDanyeli 10:15

Uthe esitsho lokhu kimi ngakhothamisela ubuso bami phansi ngehluleka ukukhuluma.

UHosiya 4:17

U-Efrayimi uhlangene lezithombe; myekeleni enjalo!

UHosiya 4:4

Kodwa akungabi lamuntu omangalayo, akungabi lomuntu owethesa omunye icala ngoba abantu bakho bafana lalabo abamangalela umphristi.

uAmosi 5:10

Liyamzonda okhuzayo emthethwandaba limeyise lalowo okhuluma iqiniso.