UHezekhiyeli 28:8 - IBhayibhili Elingcwele LesiNdebele

⁸ Zizakwehlisela phansi egodini, njalo uzakufa kabuhlungu enzikini yezilwandle.

iBhayibhili Elingcwele 1978

⁸ Zizakukuphosela phansi egodini, ufe kubi enzikini yolwandle.

UHezekhiyeli 28:8 ပူးပေါင်းရင်းမြစ်များ

UJobe 17:16

Kuzakwehlela emasangweni okufa na? Sizakwehlela ndawonye othulini na?”

UJobe 33:18

ukulondoloza umphefumulo wakhe ungayi egodini, lempilo yakhe ingabhubhi ngenkemba.

UJobe 33:28

Wawuhlenga umphefumulo wami ukuze ungayi egodini, ngakho ngizaphila ukuze ngikholise ukukhanya.’

AmaHubo 28:1

Ngikhala Kuwe, Oh Thixo, Dwala lami; ungangivaleli indlebe Yakho. Phela nxa ulokhu uthule ngizakuba njengalabo asebengene egodini.

AmaHubo 30:9

“Kulenzuzo bani ngokubhujiswa kwami na, ngokutshona kwami egodini? Kambe uthuli luzakudumisa na? Lona luzafakaza na ngokuthembeka Kwakho?

AmaHubo 55:15

Yekela ukufa kuzijume izitha zami; yekela bagqitshelwe bephila engcwabeni, ngoba ububi buthe khoxo phakathi kwabo.

AmaHubo 55:23

Kodwa wena, Nkulunkulu ababi uzabawisela egodini lokungcola; abantu abomele igazi njalo abakhohlisayo kabasoze bayiphile ingxenye yezinsuku zabo. Kodwa mina, ngithemba kuwe.

Izaga 1:12

kasibaginye bephila njengengcwaba, sibajwamule njengabawele emgodini;

Izaga 28:17

Umuntu odliwa ngumzwangedwa wokubulala omunye uzaba ngohlala ebaleka aze ayokufa; akungabi lomuntu omsekelayo.

U-Isaya 14:15

Kodwa ulethwe phansi ethuneni, ekuzikeni kwegodi.

U-Isaya 38:17

Ngeqiniso kwaba lusizo kimi ukuzwa ubuhlungu obungaka. Ngothando lwakho wangivikela emgodini wokutshabalaliswa; izono zami zonke uzibeke ngemva kwakho.

UHezekhiyeli 26:12

Bazaphanga inotho yakho bathumbe impahla yakho ethengiswayo; bazadiliza imiduli yakho babhidlize lezindlu zakho ezinhle njalo baphosele amatshe akho, lezigodo kanye lenkunkuma elwandle.

UHezekhiyeli 27:34

Khathesi usuphahlazwe lulwandle ezinzikini zamanzi: impahla yakho lenhlanganiso yakho yonke kuzatshona phansi kanye lawe.

UHezekhiyeli 28:9

Lapho-ke uzakutsho na phambi kwalabo abakubulalayo ukuthi, “Mina ngingunkulunkulu?” Uzakuba ngumuntu nje, hatshi unkulunkulu, ezandleni zalabo abakubulalayo.