UHezekhiyeli 27:5 - IBhayibhili Elingcwele LesiNdebele

⁵ Wonke amapulanka akho bawenza ngezihlahla zejanipha ezivela eSeniri; bathatha umsedari eLebhanoni ukuba bakwenzele insika.

iBhayibhili Elingcwele 1978

⁵ Benza wonke amapulanka akho ngezihlahla zephane ezivela eSeniri; bathatha umkusu ovela eLebanoni ukukwenzela insika.

UHezekhiyeli 27:5 ပူးပေါင်းရင်းမြစ်များ

1 AmaKhosi 5:1

Kwathi uHiramu inkosi yaseThire esizwa ukuthi uSolomoni ugcotshwe ukuba abe yinkosi athathe isihlalo sikayise, wathumela amanxusa akhe kuSolomoni njengoba wayevele ezwanana loDavida.

1 AmaKhosi 5:6

Khupha-ke iziqondiso zokuthi ngiganyulelwe izihlahla zomsedari waseLebhanoni. Amadoda avela kimi azasebenza kanye lawe, njalo amadoda avela kuwe ngizawaholisa leloholo ozalitsho wena. Uyakwazi ukuthi asilabo abawaziyo lowomsebenzi ngobuciko obungalingana lobamaSidoni.”

1 ImiLando 5:23

Abantu ababeyingxenye yesizwana sikaManase babebanengi; bahlala elizweni kusukela eBhashani kusiya eBhali-Hemoni, kusitsho iSeniri (iNtaba yaseHemoni).

2 ImiLando 2:7

Ngakho, ngithumela indoda eyingcitshi ekusebenzeni ngegolide langesiliva, ithusi lensimbi, langamalembu ayibubende labomvu laluhlaza, ekwaziyo ukubalaza, ukuthi izosebenzela koJuda laseJerusalema labami abazingcitshi emisebenzini yezandla, labo abalethwa ngubaba uDavida.

AmaHubo 104:16

Izihlahla zikaThixo ziyathelelwa okwaneleyo, imisedari yeLebhanoni ayihlanyelayo.

AmaHubo 29:5

Ilizwi likaThixo lephula imisedari; uThixo uyiqamula ibe yizicucu imisedari yaseLebhanoni.

AmaHubo 92:12

Abalungileyo bazaqhela njengesihlahla selala, bazakhula njengomsedari waseLebhanoni;

Ingoma 4:8

Woza, mlobokazi wami, sisuke eLebhanoni, woza sisuke eLebhanoni. Yehla emaweni ase-Amana, wehle esiqongweni saseSeniri, isiqongo seHemoni, ezimbalwini zezingonyama lezintabeni okuhlala ingwe kuzo.

U-Isaya 14:8

Lezihlahla zamaphayini lemisedari yaseLebhanoni ziyathokoza ngawe zithi, “Njengoba khathesi usuwiselwe phansi akula ozakuzasigamula.”

UHezekhiyeli 27:4

Umbuso wakho wawuphakathi kolwandle; abakhi bakho baphelelisa ubuhle bakho.

UDutheronomi 3:9

(IHemoni ibizwa ngokuthi yiSiriyoni ngamaSidoni, kanti-ke ama-Amori ayibiza ngokuthi yiSeniri.)