UHezekhiyeli 27:29 - IBhayibhili Elingcwele LesiNdebele

²⁹ Bonke abaphethe amaphini okugwedla bazayitshiya imikhumbi yabo; abatshayeli bayo kanye labaqondisi bayo bonke bazakuma ekhunjini.

iBhayibhili Elingcwele 1978

²⁹ Lapho bonke abagwedli besehla emikolweni yabo, lalapho abatshayeli labaqondisi bekhuphukela okhunjini kanyekanye,

UHezekhiyeli 27:29 ပူးပေါင်းရင်းမြစ်များ

UHezekhiyeli 32:10

Ngizakwenza abantu abanengi bamangale ngawe, lamakhosi abo azathuthumela ngokwesaba ngenxa yakho lapho nginyikinya inkemba yami phambi kwawo. Ngosuku lokuwa kwakho lowo lalowo wabo uzaqhaqhazela isikhathi sonke sokuphila kwakhe.

UHezekhiyeli 26:16

Lapho-ke wonke amakhosana angasolwandle azakwehla ezihlalweni zawo zobukhosi akhuphe izembatho zawo njalo ahlubule lezembatho zawo ezicecisiweyo. Ephethwe yikwesaba, azahlala phansi, eqhaqhazela isikhathi sonke, ngokwesaba wena.

UHezekhiyeli 27:8

Amadoda aseSidoni le-Avadi ayengabagwedli bakho; izazi zakho, wena Thire, zazisemkhunjini njengabatshayeli bomkhumbi.

UHezekhiyeli 32:9

Ngizakhathaza inhliziyo zabantu abanengi lapho sengiletha ukuchithwa kwakho phakathi kwezizwe, phakathi kwamazwe ongazange uwazi.