UHezekhiyeli 27:27 - IBhayibhili Elingcwele LesiNdebele

²⁷ Inotho yakho, okuthengiswayo kanye lempahla, abatshayeli bakho, labaqondisi kanye labalungisi bemikhumbi, abathengisi bakho lawo wonke amabutho akho, labanye bonke abaphakathi komkhumbi bazatshona enzikini yolwandle ngosuku lokonakala komkhumbi.

iBhayibhili Elingcwele 1978

²⁷ Inotho yakho lempahla yakho, lalokho okuthengisayo, labatshayeli bakho, labaqondisi bakho, labavimbi bezimfa zakho, labathengi bakho, lawo wonke amadoda empi akhona kuwe, ixuku lonke eliphakathi kwakho, lizatshona enzikini zolwandle ngosuku lokuchitheka kwakho.

UHezekhiyeli 27:27 ပူးပေါင်းရင်းမြစ်များ

Izaga 11:4

Inotho kayisizi lutho ngosuku lweziphithiphithi kodwa ukulunga kuyaphephisa ekufeni.

UJeremiya 25:22

wonke amakhosi aseThire, leSidoni; amakhosi amazwe angasolwandle ngaphetsheya kwalo,

UHezekhiyeli 26:1

Ngomnyaka wetshumi lanye, ngosuku lwakuqala lwenyanga, ilizwi likaThixo lafika kimi lisithi:

UHezekhiyeli 26:12

Bazaphanga inotho yakho bathumbe impahla yakho ethengiswayo; bazadiliza imiduli yakho babhidlize lezindlu zakho ezinhle njalo baphosele amatshe akho, lezigodo kanye lenkunkuma elwandle.

UHezekhiyeli 26:14

Ngizakwenza ube lidwala elize, njalo uzakuba yindawo yokuchayela amambule enhlanzi. Kawuyikwakhiwa futhi, ngoba mina Thixo sengikhulumile, kutsho uThixo Wobukhosi.

UHezekhiyeli 26:21

Ngizakwenza ukucina kwakho kube ngokwesabekayo uhle utshabalale. Uzadingwa, kodwa ungatholakali futhi, kutsho uThixo Wobukhosi.”

UHezekhiyeli 27:12

IThashishi yathengiselana lawe ngenxa yenotho yezimpahla zakho ezinengi; impahla yakho ethengiswayo bayithenga ngesiliva, insimbi, ithusi kanye lomnuso.

UHezekhiyeli 27:22

Abathengi baseShebha labaseRahama bathengiselana lawe; impahla zakho bazithenga ngezinhlobo zonke ezinhle zeziyoliso langamatshe aligugu kanye legolide.

UHezekhiyeli 27:24

Endaweni yakho yokuthengiselana, bakuthengisela izembatho ezinhle, amalembu aluhlaza, imisebenzi ececisiweyo kanye lamajali alemibala eminengi lezintshaka eziphothiweyo njalo zilamafindo abotshwe aqina.

UHezekhiyeli 27:26

Abagwedli bakho bakusa elwandle olukhulu. Kodwa umoya wasempumalanga uzakwephula ube yiziqayiqa enzikini yolwandle.

UHezekhiyeli 27:28

Amazwe angaselwandle azanyikinyeka lapho abahambisa umkhumbi bakho sebehlaba umkhosi.

UHezekhiyeli 27:34

Khathesi usuphahlazwe lulwandle ezinzikini zamanzi: impahla yakho lenhlanganiso yakho yonke kuzatshona phansi kanye lawe.

UHezekhiyeli 28:1

Ilizwi likaThixo lafika kimi lisithi:

UHezekhiyeli 28:8

Zizakwehlisela phansi egodini, njalo uzakufa kabuhlungu enzikini yezilwandle.

uAmosi 1:9

Nanku okutshiwo nguThixo: “Ngenxa yezono ezintathu zaseThire loba ngenxa yezine, kangiyikulunqanda ulaka lwami. Ngenxa yokuthi yabathengisela e-Edomi bonke abantu bezigaba zonke ezathunjwayo inganaki isivumelwano sobuzalwane,

UZakhariya 9:3

IThire isizakhele inqaba; isibuthelele isiliva kwangathi luthuli; legolide njengomhlabathi wemigwaqweni.