UHezekhiyeli 27:26 - IBhayibhili Elingcwele LesiNdebele

²⁶ Abagwedli bakho bakusa elwandle olukhulu. Kodwa umoya wasempumalanga uzakwephula ube yiziqayiqa enzikini yolwandle.

iBhayibhili Elingcwele 1978

²⁶ Abagwedli bakho bakukhuphelela emanzini amanengi. Umoya wasempumalanga usukwephulele enzikini zolwandle.

UHezekhiyeli 27:26 ပူးပေါင်းရင်းမြစ်များ

AmaHubo 48:7

Wena wabatshabalalisa njengemikhumbi yaseThashishi ibhidlizwa ngumoya wempumalanga.

AmaHubo 48:8

Lokho esikuzwileyo yikho esikubonileyo emzini kaThixo uSomandla, emzini kaNkulunkulu wethu: uNkulunkulu uzawuvikela lanini.

U-Isaya 23:14

Khalani lina mikhumbi yaseThashishi, inqaba yenu idiliziwe!

U-Isaya 33:23

Izintambo zakho zeseyili ziyaxega. Insika kayiqiniswanga; iseyili kayivulekanga. Lapho-ke impango enengi izakwabiwa kuthi labaqhulayo labo bazazuza impango.

UJeremiya 18:17

Njengomoya ovela empumalanga, ngizabahlakaza phambi kwezitha zabo; ngizabafulathela ngibancitshe ubuso bami ngosuku lokuhlupheka kwabo.”

UHezekhiyeli 26:19

Nanku okutshiwo nguThixo Wobukhosi: Lapho ngikwenza ube lidolobho elichithekileyo, njengamadolobho angasahlali muntu, njalo lapho ngiletha inziki zolwandle phezu kwakho kuthi amanzi alo amanengi kakhulu akwembese,

UHezekhiyeli 27:27

Inotho yakho, okuthengiswayo kanye lempahla, abatshayeli bakho, labaqondisi kanye labalungisi bemikhumbi, abathengisi bakho lawo wonke amabutho akho, labanye bonke abaphakathi komkhumbi bazatshona enzikini yolwandle ngosuku lokonakala komkhumbi.

UHezekhiyeli 27:34

Khathesi usuphahlazwe lulwandle ezinzikini zamanzi: impahla yakho lenhlanganiso yakho yonke kuzatshona phansi kanye lawe.

UHezekhiyeli 28:8

Zizakwehlisela phansi egodini, njalo uzakufa kabuhlungu enzikini yezilwandle.

Imisebenzi 27:14

Masinyazana nje, umoya olamandla esivunguvungu owawuthiwa “yiNhlampumalanga” wavunguza usuka esihlengeni.

Imisebenzi 27:41

Kodwa umkhumbi watshayelela esidulini setshebetshebe olwandle wahle wabhajwa. Isihloko sawo sathi ngxi phansi asabe sisanyikinyeka, ingemuva yona yahlakazeka itshaywa ngamagagasi.

Isambulo 17:15

Ingilosi yabuya yathi kimi, “Amanzi owabonileyo lapho isiphingi esihlezi khona ngabantu bemihlobo yonke, amaxuku lezizwe kanye lezindimi.