UHezekhiyeli 27:10 - IBhayibhili Elingcwele LesiNdebele

¹⁰ Amadoda asePhezhiya, leLudi kanye lePhuthi asebenza njengamabutho ebuthweni lakho. Alengisa amahawu awo lezingowane emidulini yakho, akulethela ubuhle obukhulu.

iBhayibhili Elingcwele 1978

¹⁰ Amadoda asePerisiya lawaseLudi lawasePuti ayesempini yakho elibutho lakho; aphanyeka izihlangu zawo lengowane zawo kuwe, akunika udumo.

UHezekhiyeli 27:10 ပူးပေါင်းရင်းမြစ်များ

UGenesisi 10:13

UMizirayimi wayenguyise wamaLudi, ama-Anami, amaLehabhi, amaNafithuhi,

UGenesisi 10:22

Amadodana kaShemu ayeyila: u-Elamu, u-Ashuri, u-Afazadi, uLudi lo-Aramu.

UGenesisi 10:6

Amadodana kaHamu ayeyila: uKhushi, uMizirayimi, uPhuthi loKhenani.

1 ImiLando 1:11

UMizirayimi wayenguyise wamaLudi, ama-Anami, amaLehabhi, amaNafithuhi,

1 ImiLando 1:17

Amadodana kaShemu ayeyila: u-Elamu, u-Ashuri, u-Afazadi, uLudi lo-Aramu. Amadodana ka-Aramu ayeyila: u-Uzi, uHuli, uGetha loMesheki.

1 ImiLando 1:8

Amadodana kaHamu ayeyila: uKhushi, uMizirayimi, uPhuthi loKhenani.

Ingoma 4:4

Intamo yakho injengomphotshongo wokulinda kaDavida, owakhiwa waba muhle kakhulu; kulengiswe kuwo amahawu ayinkulungwane, wonke angamahawu amaqhawe.

U-Isaya 66:19

“Ngizabeka isibonakaliso phakathi kwabo, ngithumele abanye balabo abasalayo ezizweni zeThashishi, kumaLibhiya, lamaLudi (alodumo ekusebenziseni imitshoko), eThubhali leGrisi lasezihlengeni ezikhatshana ezingakaluzwa udumo lwami kumbe zibone inkazimulo yami. Bazamemezela udumo lwami phakathi kwezizwe.

UJeremiya 46:9

Hlaselani, lina mabhiza! Qhubekani ngentukuthelo, lina zinqola zempi! Yanini phambili, lina mabutho, madoda aseKhushi lawePhuthi, aphatha amahawu, madoda aseLudi agoba idandili.

UHezekhiyeli 26:17

Lapho-ke azaqhinqa isililo ngawe athi kuwe: ‘Yeka ukuchitheka kwakho, wena dolobho lodumo, ogcwele ngabantu basolwandle! Wawulamandla elwandle wena kanye labakhe kuwe; waletha ukwesabeka kwakho kubo bonke ababehlala khona.

UHezekhiyeli 27:11

Amadoda ase-Avadi kanye leHelekhi abakhona emidulini yakho ezinhlangothini zonke; amadoda aseGamadi ayesemiphotshongweni yakho. Aphanyeka amahawu awo inxa zonke zemiduli yakho; aphelelisa ubuhle bakho.

UHezekhiyeli 30:5

IKhushi lePhuthi, iLudi le-Arabhiya yonke, iLibhiya kanye labantu belizwe lesivumelwano bazabulawa ngenkemba ndawonye leGibhithe.

UHezekhiyeli 38:5

IPhezhiya, leKhushi kanye lePhuthi bazakuba belabo, bonke belamahawu lezingowane,

UDanyeli 5:28

Pharisini: Umbuso wakho usuhlukaniswe phakathi, wabelwa amaMede lamaPhezhiya.”

UNahume 3:9

IKhushi leGibhithe kwakungamandla ayo angapheliyo. IPhuthi leLibhiya kwakungabanye abancedisi bayo.