UHezekhiyeli 25:9 - IBhayibhili Elingcwele LesiNdebele

⁹ ngakho-ke ngizakwambula uhlangothi lweMowabi, kusukela emadolobheni asemingceleni yeBhethi-Jeshimothi, leBhali-Meyoni kanye leKhiriyathayimi, udumo lwelizwe.

iBhayibhili Elingcwele 1978

⁹ ngalokho ngizachaya umkhawulo waseMowabi ukuba imizi esemngceleni eligugu lelizwe inqotshwe, iBeti‐Jeshimothi, leBali‐Meyoni, leKiriyathayimi.

UHezekhiyeli 25:9 ပူးပေါင်းရင်းမြစ်များ

1 ImiLando 5:8

loBhela indodana ka-Azazi, indodana kaShema, indodana kaJoweli. Bakha bahlala emangweni osuka e-Aroweri kusiya eNebho laseBhali-Meyoni.

UJeremiya 48:1

Mayelana leMowabi: UThixo uSomandla, uNkulunkulu ka-Israyeli uthi: “Maye kuyo iNebho ngoba izachithwa. IKhiriyathayimi izayangeka njalo ithunjwe; inqaba izayangeka ibhidlizwe.

UJeremiya 48:23

eKhiriyathayimi, leBhethi-Gamuli laseBhethi Meyoni,

AmaNani 32:3

“Umhlaba we-Atharothi, leDibhoni, leJazeri, leNimra, leHeshibhoni, le-Eliyale, leSebhami, leNebho kanye leBheyoni,

AmaNani 33:49

Khonapho emagcekeni aseMowabi bamisa izihonqo zabo belandela umfula uJodani kusukela eBhethi-Jeshimothi kusiya e-Abheli-Shithima.

UJoshuwa 12:3

Wayebusa njalo empumalanga ye-Arabha kusukela olwandle lweKhinerethi kusiyafika olwandle lwe-Arabha (uLwandle lweTswayi) kusiya eBhethi-Jeshimothi, eningizimu phansanyana kwemithezuko yasePhisiga:

UJoshuwa 13:17

kusiya eHeshibhoni lawo wonke amadolobho asemagcekeni agoqela iDibhoni, iBhamothi-Bhali, iBhethi-Bhali-Meyoni,